KO Estudantes Lakon Estudu

DILI, STLNEWS.co – Konfinamentu Obrigatoriu (KO) neebe sei estende tan to’o loron 9 fulan Setembru nee halo estudante sira lakon sira nia estudu iha situasaun ida nee.

“Hau sente triste tanba desizaun KO fo impaktu ba estudante sira, tanba sira lakon sira nia estudu ka aulas prezensial, mezmu professor sira maioria simu ona vasina, maibe governu liu husi Ministeriu Edukasaun, Juventude, no Desportu (MEJD) sei suspende atividades eskola to’o 12 fulan Setembru tinan 2021. Governu aloka osan subsidiu ba pulsa internet, no fahe foos, maibe ba deit estudantes universitáriu sira, maibe sira haluha estudantes ensinu baziku no sekundariu jeral sira, ida nee hatudu diskriminasaun entre estudantes sira, hau la menta tebes programa edukasaun nian, liu husi telefone eskola ka eskola ba uma, tanba estudantes barak mak labele asesu, tanba iha difikuldade oin – oin hanesan, estudantes laiha telefone android, laiha pulsa no laiha televisaun atu asesu,” dehan Adjuntu ESNDP Agostinho Pinto ba STL liu husi telefone, Kinta (02/09/2021).

Agostinho hatete, hanesan eskola privada sira buka meus atu tulun sira nia estudantes sira, liu husi eskola online, hanesan uza Google class room, WhatsApp Groupu, e-mail, maibe la efetivu tanba estudantes barak mai ho difikuldade, hanesan telefone ndroid laiha, pulsa no inan aman la servisu, iha tempu pandemia ida nee difikulta tebes eskola, liu – liu professores sira, atu distibui materia ba estudantes sira.

Nia sublina, impaktu ba ezame nasional dala ruma iha, maibe Ministeriu Edukasaun, Juventude, no Desportu (MEJD) mak sei tetu mekanizmu  ezame nasional nian, eskola prontu nafatin kontribui no kolabora desizaun saida deit husi MEJD, tanba husi eskola hein deit.

Nunee mos Direitor ESJ no 4 de Setembru Balide Sergio A. da Cruz dehan, nee normal, tanba Covid- 19 hanesan moras aat ida neebe bele halo mate ema, no husu ba estudante sira hotu atu tuir regras husi Ministeriu Saude nian, online la lao ho normal, tanba estudante no professor barak mak la uza telefone android, no atu realiza online mos iha relasaun ho orsamentu hotu.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: