Komemora Loron Konsulta Popular, Embaixador TL Iha Japaun Ho Estudante Harii AETJ

DILI, STLNEWS.co – Komemora loron konsulta popular ba dala 22, Embaixada Timor Leste iha Japaun, fasilita estudante Timoroan hodi harii assosiasaun ida ho naran, Assosiasaun Estudante Timoroan iha Japaun (AETJ).

Ba STL Segunda nee (30/08/2021) liu husi mensajen, Embaixada Timor Leste iha Japaun, Ilidio Ximenes da Costa hateten, Embaixador TL iha Japaun hamutuk ho estudante Timoroan sira neebe estuda iha Japaun selebra loron konsulta popular loron 30 fulan Agostu tinan 2021 no  estabelese Asosiasaun Estudante Timoroan iha Japaun (AETJ) liu husi Zoom meeting.

“Iha seksaun abertura, hau husu ba estudante Timoroan sira katak, espiritu patriotismu no nasionalismu importante tebes atu kuda iha estudante sira nia hanoin, ho nunee estudante sira bele halo sira nia estudu ho diak iha rai Japaun. Tanba nee atu fasilita komunikasaun neebe diak entre estudante ho embaixada, meus diak liu mak harii organizasaun AETI iha Japaun, ho nunee bele fasilita no tulun estudante foun sira neebe atu estuda iha universidade sira iha Japaun, no ajuda estudante sira neebe iha problema durante estudu,” dehan embaixador nee.

Nia afirma liu tan, liu husi Zoom meeting nee konsege halo diskusaun ba programa balun, no aprezentasaun balun mai husi Asosiasaun Estudante Timor Oan.

Iha fatin hanesan, Melisa Alifa da Costa hanesan estudante husi Sophia University hatete, nia halo ona survey ba estudante 198 alunu sekundaria sira iha TL maioria ladun hatene informasaun konaba bolsu estudu iha Japaun, tanba nee tenke harii duni assosiasaun ida.

“Hau hanoin ohin ita harii AETJ ho objetivu, atu halibur estudante Timoroan sira neebe mak halo estudu iha Japaun, no atu promove TL nia kultura ba komunidade Japanes, no edukasaun juventude Timoroan neebe hakarak kontinua estudu iha Japaun,” dehan estudante nee.

Estudante sira neebe mak partisipa iha Zoom online nee hamutuk ema nain sanulu resin ualu (18) neebe agora halo hela estudu iha Japaun, Zoom online nee, moderador husi Embaixada TL iha Japaun no Primeiru Sekretariu Julio Martins.

Eleisaun ba estrutura asosiasaun nee demokrasia tebes, estudante sira aprezenta sira nia kandidatura hodi hili sira nia estrutura AETJ liu husi sistema polling Zoom online no rezultadu husi votasaun nee Melissa Alifa da Costa mak eleitu hanesan prezidente, Olderico da Silva hanesan visi no Geovania Garret Mouzinho Freitas hanesan sekretária.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: