Komisaun G: Husu MESSK Trata Asuntu Valor Estudante Ho Dignidade

DILI, STLNEWS.co – Prezidente Komisaun G, Deputadu Antonio Verdial, neebe trata asuntu kona ba edukasaun, husu ba governu liu husi Ministru Ensinu Superior, Siensia, no Kultura (MESSK), Longuinhos dos Santos, atu trata asuntu estudante ho valor boot ka kiik ho dignidade.

Nia hatete, labele interfere servisu orden ezekutivu nian, nee mandatu konstituisional, karik ami halo intervensaun signifika katak ami halo interferensia valor soberanu seluk orden ezekutivu nian.

“Tanba nee mak nudar Prezidente Komisaun G Parlamentu Nasional neebe trata asuntu edukasaun no kultura, ita husu governu atu bele trata asuntu nee ho dignidade tomak, dala ida tan PN labele interfere servisu orden ezekutivu nian,” hatete Deputadu Antonio Verdial ba jornalista sira, hafoin remata tomada de posse iha Infordepe, Tersa (09/02/2021).

Nia hatutan, servisu neebe ami halo entre orden soberanu halo servisu interdependesia ba malu maibe la interfere malu, nafatin kooperasaun atu suporta malu.

“Ita husu ba governu liu-liu MESSK atu trata asuntu nee ho dignidade tomak,” nia dehan.

Hatan ba kestaun nee, Ministru Ensinu Superior, Siensia, no Kultura (MESSK), Longuinhos dos Santos hatete, prosesu tomak atu halao liu kona ba asesu ba ensinu superior publiku tinan akademiku 2021 nian, prosesu ida nee estabelese liu husi KAES, neebe membru nee mai husi UNTL no IPB rasik.

Portantu orgaun komisaun ida nee mak halo koordenasaun ho lina ministerial neebe maka relevante hanesan, ezemplu Ministeriu Antigu Kombatente no Libertasaun Nasional, MEJD no mos Komisaun Kompentente Nasional Homenaje, sira iha instituisaun relevante hirak nee servisu hamutuk interligadu.

Prosesu neebe mak lao teknikamente kabu kompetensia nakonu iha KAES, no aumesmu tempu sira hatoo rezultadu mai MESSK, nia prosesu mak hanesan iha faze tolu neebe maka ita lao tuir nia prosesu.

Iha prosesu rejistrasaun liu husi buletim, faze selesaun no ezame, iha faze rua nee mak primeiru bazeiandu opsoes neebe maka estudante sira hili kursu, segundu bazeia ba vagas neebe husi UNTL no IPB no terseiru lista final.

Prosesu rezistu liu tiha ona, husi munisipiu pur munisipiu reprezenta hanesan veteranus nia oan no kbiit laek ho oportunidade neebe mak reprezenta husi munisipiu.

Prosesu ida nee komisaun sira halao iha rua hanesan, rejime jeral ho rejime espesial, portantu rejime jeral fo oportunidade ba finalista Ensinu Sekundariu Jeral no Tekniku Vokasional finalista neebe maka akaba iha tinan 2020 nian.

Nia esplika, rejime espesial ba Timor oan sira neebe mak asesu ba ensinu superior publiku ho situasaun neebe ofisional, neebe kompostu husi rejime espesial ho oportunidade veteranu nia oan, kbiit laek, defisiente sira, desportiva sira, ofisial PNTL inklui sira seluk hamutuk 16.

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...

Pozitivu Covid-19 Nain 161, Rekoperadu 126

DILI, STLNEWS.co - Ohin loron 15 fulan Maiu hodi Centro Integradu Gestão de Crises, Sala Situação (CIGC-SS), rejistu kazu Covid-19 pozitivu hamutuk nain 161,...

Tinan Barak Komunidade Maslidun La Asesu Bee Mos

DILI, STLNEWS.co - Durante tinan barak nia laran, komunidade iha Maslidun, Lagoa 2 la asesu bee mos, tanba nee obriga sira sosa deit bee...
%d bloggers like this: