Kontribui Ba Estabilidade Nasaun, Jornalista 36 Tuir Formasaun Jornalizmu Ba Pas

AINARO, STLNEWS.co – Hafoin loron rua nia laran, jornalista hamutuk 36 partisipa iha formasaun jornalizmu ba pas iha Postu Administrativu Maubessi, Munisipiu Ainaro, neebe oferese husi Sentru Nasional Chega (CNC) ho Konselhu Imprensa (CI).

Iha enseramentu formasaun jornalizmu ba paz nee, Diretor Analiza no Dezenvolvimentu Media (DADM) Konselhu Imprensa, Alberico da Costa Junior katak, formasaun ida nee importante tebes tanba bele ajuda jornalista hodi sai referensia atu analiza situasaun iha terenu hodi kontribui ba jornalizmu ba pas.

“Hau hanoin katak materia neebe kolega sira hetan husi Diretor Ezekutivu CNC no CI, ida nee pelu menus bele sai referensia ba ita boot sira,pratika ida ikus ohin (red-Sesta) bele sai hanesan materia ida neebe bele ajuda ita boot sira bele analiza situasaun, saida maka ita boot sira aprende nee iha ligasaun ho pas, oinsa ita bele kontribui ba ita nia estabilidade nasaun nian,” dehan nia ba jornalista sira iha serimonia enseramentu formasaun jornalizmu ba pas neebe halao iha Parokia Imaculada Coracão de Maria, Maubessi, Ainaro, Sesta (01/04/2022).

Nia katak, agradese ba CNC) neebe fo ona fiar ba Diretor Analiza no Dezenvolvimentu Media (DADM) Konselhu Imprensa hodi bele mai sensibiliza informasaun ba jornalista konaba jornalizmu ba pas.

“Agradese ba CNC tanba fo fiar ba Konselhu Imprensa bele mai fo formasaun ba jornalista sira relasiona ho jornalizmu ba pas, realizasaun formasaun nee bazeia ba kooperasaun neebe ita iha tinan rua liu ba, formasaun ida nee parte ba situasaun neebe durante lao ona,” dehan Alberico.

Nia hatete, iha atividade lubuk ida maka CNC ho CI halao ona, antes nee iha tinan kotuk mos iha formasaun ida konaba jornalizmu baziku ba staff sira iha CNC, formasaun jornalizmu ba pas ida nee hanesan atividade segundu neebe realiza husi CI ho CNC.

“Hau hanoin katak kooperasaun nee sei la para iha nee, neebe klaru katak ita iha komprimisiu CI ho CNC kontinua fo kapasitasaun ba jornalista sira atu melhora abilidade pesoal jornalista Timor oan sira neebe iha,” hatete nia.

Nia katak, ida nee hanesan dezafia boot neebe media barak hasoru, fo formasaun barak liu, maibe ikus mai jornalista barak husik fatin neebe antes nee sira servisu ba.

“Tanba la iha jaminan ba sira. Garantia ba sira nia futuru la iha, entaun materia neebe sira hetan iha formasaun sira la konsege kontribui ba media neebe sira servisu ba, maibe sira uza fali ba fatin seluk, matenek neebe sira iha uza hodi moris iha fatin seluk,” tenik nia.

Tuir nia, se ekonomikamente media nasional sira iha Timor dezenvolve ho hodiak hodi fo garantia ba jornalista sira, espera jornalista bele ona kontribui prosesu dezenvolvimentu iha mundu jornalizmu iha Timor Leste.

“Kuandu ekonomikamente media nee matan,hau fiar katak nia (red-media) garantia bem star jornalista nia, para nia nafatin iha neeba para kontribui ba mundu jornalizmu iha Timor Leste,” tenik nia.

Iha fatin hanesan, Diretor Divizaun Relasaun Esterna Komunikasaun no Advokasia, Gaudencio Sousa katak, materia treinamentu neebe oferese husi CI ho CNC fo nee hanesan oportunidade diak ba maluk jornalista sira, tanba liu husi formasun sira bele promove no proteje direitus umanus hodi kontribui ba pas no estabilidade iha rai laran.

“Konaba materia treinamentu neebe ita boot sira simu, hau hanoin nee oportunidade diak ba kolega sira, tanba laos hotu-hotu hetan, iha ema nia rain fasilitasaun sira hanesan nee ita presiza selu maka foin bele tuir, nee esperiensia neebe la barak mais ita hotu-hotu hetan oituan,” hatete nia.

Tuir nia, iha Timor nia kondisaun diferente uitoan entaun presiza fasilita malu, hanoin katak kestaun ida jornalista nee iha Timor nee hanesan vokasaun ida.

“Ema balu hakarak buka servisu ida neebe fasil liu ba nia i finansiamentu apropiu liu ba nia moris, maibe ita boot sira hili dalan ida nee,” hatete nia.

Nia katak, kria pas ba jornalista sira mos lais, maibe atu kria konflitu no violensia nee mos jornalista mos lais, tanba nee jornalista sira tenke hili dalan atu sai jornalizmu ba pas ema hotu bele moris ho hakmatek.

“Ohin hau rona husi kolega ida husi Atauro nia hatete katak, atu kria paz nee ba jornalista sira lais, mais atu kria violentu no konflitu nee mos lais, mais ida nee depende fila fali ba ita, ita hili ida neebe pas ka konflitu, se konflitu pasiensia ita nia dezenvolvimentu sei hakdasak tanba jornalista sira barak liu kontribui ba konflitu, sei ita hili pas, ida nee diak liu tanba bain-bain ema dehan paz dame nee furak, ema hotu-hotu lao livre, ema hotu-hotu halo servisu ho diak tanba ema moris hakmatek iha ambiente neebe maka pas,” akresenta nia.

Aleinde nee, nia mos husu jornalista sira hotu tenke aplika jornalizmu ba pas iha atividade lor-loron bainhira halao knaar hanesan jornalista.

“Hau espera katak kolega sira hotu-hotu, materia ida neebe maka ita boot sira simu ona bele tulun ita boot sira nia kareira, kareira hanesan jornalizmu i kareira hanesan jornalizmu ba pas, laos hanesan jornalizmu deit maibe hanesan jornalizmu ba pas iha ita boot sira nia vida,” tenik nia.

(cris)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...