Kualidade Eskola Presiza Komponenti 3

Diretor Nobel da Paz Pedro Nunes. (Foto: STL/Joaninha Belo)

DILI, STLNEWS.co – Atu garante kualidade eskola, iha komponente tolu mak importante: inan aman, eskola, no komunidade.

“Atu hetan kualidade laos professores laos estudante deit, maibe aupasu entre inan aman, atu eduka ema liu husi komponente tolu, inan aman, eskola, komunidade, tenke akompania malu liu-liu ba inan aman haruka oan mai eskola ka lae, no kontrola oan ka lae,”dehan Diretur Nobel da Paz, Pedro Nunes Menezes iha ninia knaar fatin, Kinta (15/10/2020).

Eskola Novel da Paz bolu inan aman no enkontru fulan ida mai dala rua iha eskola kontrola oan sira, husu xefe da turma hau nia oan tama eskola ka lae, hodi nunee ita bele hatene, dala ruma iha uma inan aman husik hela deit, mai eskola professor maka koalia, maibe estudante laiha interese, oinsa bele hetan kualidade neebe diak.

Depende ba professores no ba estudante, professor preparadu material para atu hanorin, maibe estudante laiha interese dala ruma nia falta, iha sala laran laiha atensaun ba professor.

“Hau nia eskola iha regulamentu ida interna eskolar ida tama sala laran estudante taka telemovel, tur hakmatek rona esplikasaun husi professor, fo apontamentu professor tuir iha oin kontarola estudante, serake hotu-hotu hakerek ka lae,” nia dehan.

Aleinde nee, tanba Covid-19, ministeriu kompotente halo programa eskola ba uma maibe iha area rurais lahetan asesu tamba televizasaun laiha. Dala ruma televizaun iha maibe lina laiha. Sira iha telemovel maibe osan laiha atu sosa pulsa.

Governu halo planu sira tama eskola, maibe regulamnetu neebe maka orientsaun husi Ministeriu Edukasaun ninian, distasiamentu sosial tenke iha, kada turma estudante 20 pessoas neebe difisil atu koloka ema nee, iha eskola nee kada aula 100 pessoas ou liu maibe depende ba professores, primeiru tenke kontrola estudante hakmatek foin hahu hanorin.

Nia esplika, ema aileba hanoin deit jerasaun neebe foin sae abadonadu laasesu lahetan oportunidade atu asesu ba edukasaun. “Hau esforsu no faan kareta rua hodi harii eskola, governu, deputadu agradese, hau laos buka lukru no osan, maibe hau hanoin nee mos gratuitu,” dehan nia.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here