Kumpri Regras, Redus Estudantes Iha Sala

DILI, STLNEWS.co – Kumpri regras ba prevensaun pandemia surtu Covid-19, estudante sira husi eskola Munisipiu Viqueque, kada sala tenke redus estudantes too 20 ou 25.

Tuir Diretor Edukasaun Munisipiu Viqueque, Emidio Amaral katak, kada sala ida, estudantes too 20 ou 25,nee la liu husi numeru ida nee, tanba nee estudante sira hahu ona eskola, estudante sira tama eskola ba loron hat ninia, estudante sira balun tama dader no balun tama loraik, nee hahu husi ensinu baziku too sekundariu.

“Hau hanoin aprendizajen iha Munisipiu Viqueque foin hahu iha loron 19 Jullu nee lao hanesan bai-bain, tanba atividades nee sira halao dia sin dia nao,tanba ita haree ba covid-19 sei lao hela.Hau hanoin defikuldade neebe mak ita hasoru iha situasaun covid nian laran, ita hotu hatene estudante sira la hetan lisaun durante fulan hat nia laran,t anba atividades paradu estudante sira iha uma deit, tantu sira foin mai fila fali eskola,hakarak ka lakohi fulan Agostu nian laran tenke tama iha rame daruak ninia, estudantes tama iha eskola hanesan bai-bain, maibe tenke iha distansia nafatin, oinsa uza maskra, tanba ami hetan maskra husi UNICEF, hodi fahe ba professor no estudante sira hotu,”dehan Emidio ba STL, iha salaun Ian Martin Balide, Dili, Kinta (22/07/2021).

Emidio dehan, ba professor sira neebe la tuir vasina, nee sira labele hanorin,ho ida nee sira tenke tuir vasina, para aumenta imunidade, tanba iha eskola nee hasoru estudantes barak, entaun Professores presiza tuir vasina, total Professores iha Viqueque, neebe mak tuir ona vasina hamutuk 1113,seidauk vasina nee 60 resin, nee ho razaun balun moras komplikadu, balun lakohi tuir duni vasina,no balun aimoruk vasina seidauk sufisiente ba sira.

Iha fatin hanesan, Diretor Edukasaun Munisipiu Manufahi, Trinito Sarmento hatete, Manufahi durante iha situasaun covid-19 nee, prosesu ensinu lao normal hanesan bai-bain, sira halo alterasaun ba orariu,ho nunee bele asegura nafatin ba parte distansia ninia, balun numeru estudantes boot, halo dia sin ho dia nao,atu nunee bele redus ninia numeru nee, prosesu de ensinu lao hanesan bai-bain.*

Reportajen:Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: