Labarik Idade 12 To’o 17 Simu Vasina Pfizer

BAUCAU, STLNEWS.co – Diretora Jeral Politika Planu Inkluzaun Impresaun husi Ministeriu Edukasaun, Juventude, no Desportu (MEJD), Odilia Martins hatete, labarik sira idade husi tinan 12 to’o 17 simu vasina Pfizer, presiza apoiu husi inan aman.

“Presiza iha konsiensia husi inan aman, familia sira hotu, nunee apoiu ita nia oan sira simu vasinasaun nee,” dehan Odilia Martins ba jornalista iha salaun Servisu Edukasaun Baucau, Kuarta nee (15/09/2021).

Nia hatutan, atu lansa vasina ba labarik idade 12 to’o 17, presiza apoiu husi inan aman, nunee labarik sira bele partisipa iha vasina nee, tanba variante foun neebe mak iha dadaun, afeita tebes ba labarik sira nia saude.

Nunee mos governu iha ona planu atu lori vasina Pfizer hodi proteje labarik idade husi tinan 12 to’o 17, bainhira vasina Pfizer to’o iha TL, tuir tarjetu vasina uluk estudante sira.

Iha fatin hanesan, Diretor Servisu Edukasaun Munisipiu Baucau, Augusto Ornai Ximenes hatete, nia parte simu ona orientasaun husi servisu saude Munisipiu Baucau atu indentifika labarik idade 12 to’o 17.

“Esforsu mak MS hato’o ona pedidu mai ita atu submete dadus estudante idade 12 to’o 17,” katak Augusto.

Nia hatutan, parte servisu edukasaun munisipiu orienta ona profesores sira, halo indentifikasaun ba labarik sira atu submete ba sentru saude neebe mak besik, atu bele sai hanesan preparasaun teknika bainhira governu iha ona politika atu implementa vasina Pfizer.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: