Labele Lakon Esperansa Tanba Edukasaun Mak Xave Mudansa

DILI, STLNEWS.co – Estudante sira labele lakon esperansa hodi aprende nafatin iha prosesu aprendizajen, tanba edukasaun mak sai xave mudansa.

Kestaun nee hatoo husi Prezidente Rede Feto, Zelia Fernandes ba STL liu husi telefone, Domingo (27/06/2021).

Nia hatete, ba joven sira liu liu estudante sira, atu luta ba oin nafatin, tanba futuru nasaun nee iha joven sira nia liman, tanba nee husu keta lakon esperansa.

“Mensajen ba joven sira liu liu estudante sira atu luta ba oin nafatin. No husu ba joven sira liu liu feto maluk sira, labele lakon esperansa maske hasoru dezafiu oin-oin. Edukasaun mak xave ba mudansa. Tanba nee karik ita iha dezafiu hodi kompleta estudu maibe labele lakon esperansa. Kontinua pasiensia, onestu, displina, badinas, esforsu hodi bele akaba ita nian estudu. Kombinasaun edukasaun formal, edukasaun naun formal, no informal importante ba formasaun karater joven ka ema ida nian,” dehan nia.

Prezidente Rede Feto mos husu joven sira katak, lalika moe atu aprende no envolve an iha kualker organizasaun ka programa hodi aprende husi ema seluk ho nunee deit mak bele muda nian an, sosiedade, no mundu.

Nunee mos ativista Feto, Judite Dias Ximenes hatutan, nasaun presiza ema matenek, tanba nee mak hakarak atu partisipa ativu iha dezenvolvimentu nasional mak tenke ativu iha prosesu estudu, nunee bele hasae kapasidade no matenek.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: