Laiha Aprendizajen, Estudantes Hakmatek Iha Uma

DILI, STLNEWS.co – Bainhira atividades prosesu aprendizajen la lao, estudante sira tenke hakmatek iha uma para asesu deit ba aula online.

Tuir Martinha Cardoso, hanesan estudante fakuldade edukasaun UNTL dehan, agora aprendizajen seidauk bele lao iha sira nian universidade, ho ida nee sira tenke hakmatek deit iha uma, hodi hein bainhira mak sira nian aprendizajen bele lao normal hanesan bai-bain iha sira nian universidade.

“Nudar estudantes bainhira ami nian prosesu aprendizajen la lao, ami tenke hakmtek iha uma, tanba durante nee aprendizajen laiha, ami mos asesu deit ba ita aula online neebe mak durante ami akompania iha situasaun pandemia nian laran. Ami nia la hatene bainhira mak husi Ministeriu relavante hasai desizaun ruma, hodi reativa hikas ita nian aprendizajen prezensial lao hanesan bai-bain, ita covid ida nee halo ami hakerek deit iha uma, maibe ami akompania nafatin aula online husi ami nia dosentes sira,” dehan Martinha ba STL liu husi telefone, Domingo (25/07/2021).

Entretantu Eder de Jesus, nudar estudante UNDIL husi fakuldade ekonomia hatete, ho pandemia covid nian laran estudantes barak fila ba sira nia munisipiu, too agora seidauk fila tanba laiha transporte publiku neebe too ohin loron seidauk halo sirkulasaun, pior liu sira atu asesu ba aula online.

“Hau hanoin ita nian maluk barak seidauk fila husi munisipiu, tanba sira mai atu sae saida, tanba too agora bis seidauk halai, susar sira atu fila mai, tanba laiha transporte publiku neebe mak halo sirkulasaun ba mai Dili. Ami asesu aula online maibe ita tenke sosa pulsa para bele asesu ba programa online neebe mak durante nee lao,” dehan nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...