Longuinhos: Salariu Kontratadu Seidauk Simu, Kompetensia UNTL

Governu liu husi Ministru Ensinu Superior Siensia no Kultura (MESSK), Longuinhos dos Santos hatete, kona ba salariu dosente kontratadu neebe seidauk simu nee kompetensia Universidade Nasional Timor Lorosae (UNTL). (Foto: STL/Blandina Mauno)

DILI, STLNEWS.co – Governu liu husi Ministru Ensinu Superior Siensia no Kultura (MESSK), Longuinhos dos Santos hatete, kona ba salariu dosente kontratadu neebe seidauk simu nee kompetensia Universidade Nasional Timor Lorosae (UNTL).

“Too agora hau seidauk rona informasaun kona ba salariu dosente kontratadu, maibe hau informa prosesu hirak nee hotu liu-liu administrasaun no finansas nee kompetensia UNTL nian,” dehan Longuinhos ba jornalista sira hafoin remata enkontru ho Konsellu Ministru (KM), iha Palasiu Governu, Kuarta (03/02/2021).

Nia informa, ba hotu-hotu katak UNTL hanesan goja ninia otonomo hanesan estatutu otonomo neebe tuir dekrei lei no.16/2010, neebe maka aprova iha loron 20 Outubru nee koalia kona ba estatutu otonomo ba finansiamentu, otonomo administrativamente, altrazu ba salariu ba dosente kontratadu falta husi UNTL rasik.

Maibe hanesan governu sei halo kordenasaun ho reitor tanba sa maka atraza ba prosesu salariu.

Reportajen: Joaninha Belo/Blandina Mauno
Editor: Domigas Gomes

LEAVE A REPLY

Please enter your comment!
Please enter your name here