Lú Olo: Sistema Edukasaun Seidauk Preparadu Estudante Estuda Iha Uma

DILI, STLNEWS.co – Prezidente Republika (PR) Francisco Guterres Lú Olo hatete, sistema edukasaun seidauk preparadu hodi garante estudante iha teritoriu nasional hodi estuda iha uma liu husi internet ou televizaun.

Prezidente Republika hatoo kestaun nee ba jornalista liu husi nia mensajen Iha Loron Selebra Restaurasaun Indepedensia Timor-Leste 20 Maiu 2021 iha Palasiu Prezidente, Bairru Pite, Kinta (20/05/2021).

“Kompatriota sira povu doben, ita-nia oan sira fulan hira ona labele ba eskola. Governu halo esforsu boot ida hodi garante katak labarik sira bele kontinua sira nia prosesu aprendizajen iha uma. Maibe, realidade hatudu katak ita-nia sistema edukasaun seidauk preparadu hodi garante katak alunu sira iha territoriu laran tomak iha asesu ba material no ba konteudu aprendizajen, liu husi internet ka televizaun. Profesor ka manorin sira mos la preparadu hodi uza teknolojia neebe disponivel hodi kontinua hanorin iha situasaun pandemia nia laran.” hatete PR.

Haree ba situasaun nee, Prezidente Republika husu urjente ba Governu hodi hadia sistema edukasaun hodi hanorin labarik sira iha sistema modernu nia.

“Nunee, urjente tebes ba Governu hanoin fila fali oinsa hadiak ita-nia sistema edukasaun. Tempu ona hodi harii eskola ida moderna, ho kondisoins atuais hodi forma profesor sira ho kapasidade atu uza teknolojia foun sira, hodi prosesu aprendizajen ba ita-nia oan sira bele lao ho kualidade diak ho kurríkulun ida atualizadu no adekuadu hodi prepara futuru nasaun-nian ho garantia no sustentabilidade.” katak nia.

Aman ba nasaun nee hatutan, edukasaun ho kualidade mak sei garante futuru dignu ida ba oan ou estudante sira iha pais ida nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: