Materia Atraza, Professores Halo Rezumu

DILI, STLNEWS.co – Ho ambitu pandemia Covid-19, suspende aprendizajen lori tempu naruk, tanba nee ba materia neebe atraza, durante nee professor sira halo rezumu ba estudante sira, hodi ba kopia rasik lori ba uma estuda.

Tuir Diretor Jeral Ensinu Sekundariu, Deolindo da Cruz dehan liga ho sira nian pontu disiplina neebe atraza nee, aleinde reativa aula prezensial nee, fo ona orientasaun ba professor sira, atu nunee professor ida-idak bele halo ringkasan, iha fulan hira liu ba nee, too ba estudante sira bele kopi rasik, lori ba uma estuda, tenke akompania ezersisiu, ho nunee labarik sira labele atraza ba sira nia materia neebe mak durante nee sira lakon.

“Ita boot sira hatene katak Dili ho Baucau foin dadaun afeita ba covid, depois hetan serka sanitaria no konfinamentu obrigatoriu, entaun aprendizajen mos la lao lori tempu neebe naruk, hahu husi Marsu too mai iha Jullu nee, depois akompania husi moras ida nee, kada loron iha ona mudansa, aleinde ida nee ita mos haree ba ita nian planu governu nian, konaba vasinasaun iha nasional nee ita nian professor sira barak mak simu vasina, no estudante sira iha inisiativa rasik, ho ida nee ita iha ona hanoin, atu bele reativa hikas ensinu aprendizajen ba ita nian estudante sira, rejime prezensial, nee signifika katak sira tenke lor-loron mai iha eskola partisipa sira nian aprendizajen, iha sala laran diretamente ho professor sira,” dehan Deolindo ba STL iha edifisiu MEJD Vila-Verde, Dili, Sesta (16/07/2021).

Nia dehan, Dili no Baucau liu husi konferensia imprensia horseik nee, fo sai ona ba iha Munisipiu sira nee hotu hahu ohin no aban kada eskola sira kordena ona ho sira nian professor no estudante sira atu nunee bele halo preparasaun, karik sala laran mak estudante sira nian numeru boot liu, tanba tenke kumpri regras prevensaun covid, liu-liu ba distansiamentu sosial, entaun oinsa sala neebe estudantes barak liu atu bele halo dia sin ou dia nao, atu nunee bele kontinua too sumariu ba labarik sira, atu nunee sira ba uma lori ezersisiu nee.

“MEJD agora dadaun iha sentru imprisaun, ita hetan apoiu liu husi UNICEF ho HANDS, agora imprimi namanas hela, sumariu neebe mak ita nian ekipa professor sira halo, hodi bele reforsa tan sira nian aula, tanba sira labele depende deit ba aula prezensial, maibe tenke apoiu no suporta sumariu sira nee, bainhira sira fila ba uma, aproveita estuda nafatin, tanba sira nian aprendizajen nee suspende ho tempu neebe naruk,” nia dehan.

Iha parte seluk, Adjuntu Diretor Eskola Sekundariu Nobel da Paz, Agostinho Pinto dehan ho serka sanitaria neebe lori tempu naruk, sira mos durante nee haruka estudante sira ba foti materia kada disiplina ida-idak iha eskola, depois sira lori ba uma, depois hatama mai iha eskola.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: