MEJD Entrega Kaderneta Eskolar Ba EBC 21

DILI, STLNEWS.co – Iha loron Segunda (03/05/2021), Ministeriu Edukasaun Joventude no Desportu (MEJD), liu husi edukasaun Munisipiu Viqueque, entrega kaderneta eskolar ba EBC hamutuk 21 iha munisipiu refere.

Tuir Diretor Edukasaun Munisipiu Viqueque Emidio Amaral, dehan, kaderneta hamutuk 10.000 husi MEJD, munisipiu hat ba simu iha Metinaro, ba Viqueque 10.000, no iha loron Segunda nee fahe ona ba EBC 21 iha Munisipiu Viqueque nian laran.

“Foin lalais nee husi munisipiu hat parte leste nian, neebe mak ba simu kaderneta eskolar nee iha Metinaro, munisipiu 4 husi parte leste nian mak hanesan munisipiu Manatuto, Baucau, Lospalos, no Viqueque, tanba nee kaderneta eskolar nee rasik balun horseik fahe ona, no balun ohin sei kontinua fahe nafatin,”dehan Emidio ba STL liu husi telefone, Tersa (04/05/2021) nee.

Nia dehan, kaderneta eskolar nee foin entrega ba eskola EBC sira,maibe ba sekundariu jeral seidauk iha too agora, tanba depende ba Diretor ida-idak nian planu iha MEJD, tanba ida nee ba EBC sira nian mak ida nee, agora ba sekundariu jeral mak seidauk.

Iha fatin seluk, Diretor Edukasaun Munisipiu Dili Duarte Braganca, hatete, hanesan foin dadaun koalia ona ho media sira konaba asuntu ida nee, tanba kaderneta eskolar nee iha eskola balun hahu simu dadaun ona, maibe balun too agora seidauk, tanba eskola sira iha munisipiu Dili too agora seidauk iha kaderneta eskolar.

“Hau sempre koalia ona katak, kaderneta eskolar nee balun distribui dadaun ona ba eskola sira, maibe balun seidauk tanba eskola nee barak, no numeru estudantes sira nee ninia kuantidade mos boot,” dehan nia.*

Reportajen: Jacinta Sequeira/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: