MEJD Fo Pose Ba Vise Prezidente Infordepe

DILI, STLNEWS.co – Ministru Edukasaun, Juventude, no Desportu (MEJD), Armindo Maia, akompana ho Vise MEJD Antonio Guterres no dirijentes edukasaun, fo pose ba Vise Prezidente Infordepe hamutuk nain tolu (3) hanesan Manuel Pinto, Anastacio Lemos Soares no Rui da Costa Belo.

Nia hatete, depois tomada de pose Prezidente Infordepe iha fulan hirak liu ba, ohin kontinua ho segunda faze ba Vise Prezidente hotu, neebe sei tuir tan Diretor sira, nee iha Infordepe deit.

“Ita hotu hatene katak Infordepe nee iha Prezidente ida ho Vise Prezidente nain tolu (3), hanesan Vise Prezidente Formasaun Akademika, Vise Prezidente Formasaun Profisional Kontinua, no mos Vise Prezidente do Setor de Peskiza Dezenvolvimentu, Monitorizasaun e Avaliasaun, neebe sira nain 3 ohin tomada de pose ita haree katak, iha kapasidade esperensia servisu iha tempu naruk ona, espera katak sira bele halao servisu ho diak,” hatete MEJD Armindo Maia ba jornalista, iha Salaun Ian Martin, Infordepe, Balide, Sesta (07/05/2021).

Governante nee hatoo mensajen ba funsionariu sira neebe servisu iha Infordepe katak, Infordepe nia funsaun importante tebes, tanba ita hotu hatene ema sempre hatete katak, edukasaun atu kualidade ita tenke liu husi rekursu humanu no Infordepe nia funsaun atu forma profesores sira neebe agora dadauk halao sira nia knaar ona no karik sira seluk sei halao hela formasaun akademika nian.

Nia afirma, kuandu profesor nee diak, bele eskola iha aihun ida mos, lori alunus sira ba oin, tanba nee mak ita apoiu edukasaun liu husi profesores sira.

Iha fatin hanesan Vise Prezidente Formasaun Profisional Kontinua do Infordepe, Rui da Costa Belo hatete, knaar neebe nia simu mak sai Vise Prezidente ba formasaun profesional kontinua profesores.

“Hau nia knaar planu liga ba formasaun profesores, para hasae kualidade profesores iha ensinu aprendizajen, hau foin mai maluk sira sesante halo buat lubuk ida, tanba Infordepe harii kleur ona, hau sei haree maluk sesante sira kona ba informasaun saida mak halao ona no saida mak presiza hadia,” nia hatete.

Nia dehan, depois saida mak presiza halo tan para bele hasae kualidade profesores, para bele profesores hasae kualidade ho diak.

Aleinde nee, Vise Prezidente do Sector de Peskiza Dezenvolvimentu, Monitorizasaun e Avaliasaun do Infordepe, Anastacio Lemos Soares hatete, “ohin hau hetan pose husi MEJD konfiansa politiku, entaun hau tama ona iha instituisaun estadu ida nee, hau tenke halao knaar hanesan publiku no kargu neebe eleva, no sei kontinua halo planu, tanba hau iha fatin peskiza dezenvolvimentu avalisaun, saida mak hau atu halo peskiza durante mandatu tinan haat nian. Depois vise sesante sira halo konstrusaun programa, ami hanoin hadia no kontinua esforsu ba nafatin.” dehan nia.

Nia salienta, preparasaun primeiru enkontru ho diretor no staff sira, depois deside mak halao servisu, maibe agora ita hasoru Covid-19, entaun orsamentu laiha, tanba peskiza sei presiza orsamentu.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: