MEJD Hetan Apoiu Maskra 20.000

DILI, STLNEWS.co – Ministeriu Edukasaun, Juventude, no Desportu (MEJD), liu husi edukasaun Munisipiu Viqueque, hetan apoiu maskra hamutuk 20.000, husi NGO Catholic Relief Services (CRS) Baucau hodi bele fahe ba eskola sira.

“NGO CRS Baucau fo maskra 20.000 ba ami, atu nunee bele fahe ba iha eskola sira, maskra sira nee fahe ba iha EBC, ESJ no TekVo sira iha Munisipiu Viqueque nian laran, tanba iha tempu badak nian laran UNICEF sei fo apoiu maskra mai ami, tanba nee maskra sei too hela, tanba nee maskra sira nee ohin ami fahe hotu ona. Hau hanoin maskra sira neebe mak ita hetan apoiu nee, bele fahe ba ita nian estudante sira, tanba ba oin UNICEF mos sei fo tan apoiu maskra mai ita,” dehan Diretor Edukasaun Munisipiu Viqueque, Emidio Amaral ba STL, liu husi telefone, Tersa (04/05/2021).

Nia dehan, apoiu sira nee bele ajuda eskola sira, ho nunee parte eskola sira bele fahe ba estudante, tanba agradese ba apoiu sira neebe mak hetan, liu-liu maskra sira nee atu halo prevensaun ba surtu Covid-19. Ema hotu tenke uza maskra, no fase liman bebeik, atu nunee halo prevensaun ba moras ida nee.

Iha fatin seluk, Adjuntu Diretor Eskola Sekundariu Nobel da Paz, Agostinho Pinto, dehan hetan duni apoiu maibe nia rasik labele fo esplikasaun neebe mak klaru, tanba iha momentu entrega maskra ba eskola nee nia rasik laiha.

Nia dehan, durante nee eskola nobel mos hetan apoiu maskra sira nee, maibe total maskra hira mak hetan apoiu nee nia rasik ladun hatene, tanba bainhira entrega maskra sira nee, nia la iha eskola.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: