MEJD Husu Professores Tuir Vasina

DILI, STLNEWS.co – Ministeriu Edukasaun, Juventude, no Desportu (MEJD), liu husi edukasaun munisipiu Viqueque, husu professor sira hotu, atu bele tuir vasina iha loron Kinta no Sesta.

Diretor Edukasaun Munisipiu Viqueque, Emidio Amaral dehan, Tersa horseik (15/06/2021) MEJD halao enkontru ho professor sira iha Munisipiu Viqueque, hodi koalia konaba atu tuir vasina loron rua iha Kinta no Sesta semana nee nian laran.

“Ohin enkontru ho diretor eskola sira, hodi koalia konaba vasina ba professor sira, tanba vasina nee sei komesa iha Kinta no Sesta agora. Diretor hotu husi EBC 21, ESG 11, no Pre eskolar 36, tanba nee iha loron rua nee mak ita nian professor sira sei tuir vasina ida nee, se ita nian professor sira lakohi tuir vasina, nee hau hanoin ita labele obriga sira atu tuir, maibe nudar sidadaun ita tenke fo hanoin ba sira katak,vasina nee importante ba sira, tanba ita nian professor sira mak sei hamrik iha estudante sira nia oin,” dehan Emidio ba STL liu husi mensajen, Kuarta (16/06/2021).

Emidio akresenta, ba professoes sira mak sei vasina uluk, depois mak ba estudante sira neebe ho idade 17 ba ESG. Professor sira neebe mak atu tuir vasina nee husi postu 5.

“Ita la obriga ita nian professor sira, tanba nee antes sira atu tuir vasina, horseik ita halo kedas enkontru ho diretor eskola sira, para ita bele fo informasaun konaba vasina ninia ba ita nian professor sira, tanba nee, iha vasina nee ba ita nian professor sira mai husi postu lima iha Munisipiu Viqueque nian laran,” dehan nia.

Iha parte seluk Diretor ESJ no 4 Setembru Balide, Sergio A. da Cruz dehan, konaba tuir vasina nee, nee depende ba professor ida-idak, tanba agora dadaun prosesu aprendizajen mos la lao nomos professor ida-idak iha nia uma.*

Reportajen: Jacinta Sequeira
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: