MEJD – MAE Responsabilidade Ba Programa Merenda Eskolar

DILI, STLNEWS.co – Ministeriu Edukasaun, Juventude, no Desportu (MEJD) no Ministeriu Administrasaun Estatal (MAE), responsabilidade ba programa merenda eskolar, neebe durante nee implementa iha eskola.

Tuir Diretor Nasional Asaun Sosial Eskolar (DNASE), Joaquim Martins afirma, husi parte MEJD oinsa halo fiskalizasaun no monitorizasaun, nomos preve dadus estudantes neebe dia efetivus, neebe atu distribui implementasaun ba programa nee rasik, ida nee mak kabe ba MEJD, liu husi DNASE, maibe husi MAE, liu husi Diresaun Nasional Finansas Munisipiu, sira nia papel importante mak oinsa bazea ba dadus estudantes neebe oferese husi diresaun, depois sira sei aloka orsamentu ba munisipiu ida-idak, atu nunee finansas husi munisipiu bele transfere konta bankaria ba kada eskola, atu bele implementa programa nee rasik.

“Ita hatene katak, implementasaun programa merenda eskolar, tuir lei organiku ministeriu katak, nee kabe ba kompetensia husi DNASE hodi haree ba iha implementasaun ba programa merenda eskolar, tanba nee implementasaun nee rasik lao iha nivel teritoriu ba eskola sira husi pre eskolar too ensinu baziku, tantu Katolik no privadu iha nivel teritoriu, maibe ita hatene katak, depois de implementasaun nee, tuir dia efetivus tinan ida nee, iha sentu sinquenta tres, implementasaun nee rasik ita hatene katak laos ona kabe ba husi MEJD rasik, maibe ita servisu hamutuk, hodi deskonsentra iha autoridade Munisipal, bazeia ba dekretu no 3/2016, entaun ministeriu rua (2) mak sei toma responsabilidade ba implementasaun programa merenda eskolar,” dehan Joaquim ba STL iha nia knaar fatin MEJD Vila-Verde, Dili, Kuarta (23/06/2021).

Nia dehan, iha implementasaun programa merenda eskolar durante nee iha serka sanitaria no konfinamentu obrigatoriu, entaun implementasaun kada munisipiu sei la hanesan nee, tanba munisipiu balun implementa, tanba sira laiha konfinamentu obrigatoriu, no sira kontinua lao normal, maibe ba munisipiu sira neebe implementa konfinamentu obrigatoriu, nee implementasaun programa merenda eskolar mos sei hapara hotu.

Iha parte seluk, Adjuntu Eskola Ensinu Baziku Nobel da Paz, Francisco Fernandes dehan, durante nee ho pandemia Covid-19, ensinu aprendizajen mos laiha, entaun programa merenda eskolar mos labele lao iha eskola, bainhira aprendizajen nee lao normal, entaun implementasaun programa merenda eskolar bele lao iha eskola sira.*

Reportajen: Jacinta Sequeira/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: