MEJD Nafatin Koordena Ho MAE – MS

DILI, STLNEWS.co – Iha implementasaun programa merenda eskolar, parte Ministeriu Edukasaun, Juventude, no Desportu (MEJD), liu husi Diresaun Nasional Asaun Sosial Eskolar (DNASE), sempre halo koordenasaun diak ho Ministeriu Administrasaun Estatal (MAE) no Ministeriu Saude (MS).

“Ita hatene katak, iha Munisipiu balun implementa serka sanitaria, kuandu implementa ona serka sanitaria, nee siqnifika katak prosesu hotu sei paradu, liu-liu implementasaun programa merenda eskolar, tanba nee ami sempre iha koordenasaun neebe mak diak ho direjente edukasaun munisipal sira, ba munisipiu sira neebe la implementa serka sanitaria, nee implementasaun programa merenda eskolar nee lao, maibe presiza halo kontrolu deit, ho dia efetivus neebe mak iha, atu nunee utiliza orsamentu tuir dia efetivus neebe mak planeadu tiha ona husi Ministeriu Edukasaun, tanba bazeia kompetensia neebe Ministeriu Edukasaun entrega ona ba MAE, liu-liu ida mak implementasaun merenda eskolar,” dehan Direitor Nasional DNASE, Joaquim Martins ba STL, iha edifisiu MEJD Vila-Verde Dili, Segunda (10/05/2021).

Nia dehan, orsamentu nee sei tau nafatin husi MAE, liu-liu alokasaun orsamentu ba implementasaun programa merenda eskolar, foin dadaun nee despaisu husi ministeriu, liu-liu eskola sira neebe mak iha munisipiu sira sei extende SS, tanba karta sai tiha ona, munisipiu neebe extende SS hanesan Ainaro, Baucau, Covalima, Dili, Ermera, Liquiça, Manufahi, no Viqueque.

Nia sublina, Ministeriu sempre halo koordenasaun neebe mak diak ho parte inspeksaun ninia iha nivel nasional, iha munisipiu, nomos inspektor sira atu bele halo avaliasaun monitoring ba implementasaun ba programa nee rasik, agora papel husi MAE nee rasik kompetensia ba MAE.

Iha parte seluk, Diretor Edukasaun Munisipiu Viqueque, Emidio Amaral, liu husi telefone dehan, dadaun nee ho implementasaun serka sanitaria iha munisipiu Viqueque, aprendizajen la lao inklui programa merenda eskolar mos paradu.

“Hau hanoin eskola iha mak programa merenda eskolar bele lao, agora ho serka sanitaria nee, programa nee mos paradu,” tenik nia.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: