MEJD – Nova Zelandia Asina Akordu Ba Programa HANDS 2

DILI, STLNEWS.co – Ministru Edukasaun, Juventude, no Desportu (MEJD) Armindo Maia ho Embaixador Nova Zelandia mai Timor Leste, Philip Hewitt, asina akordu parseira atu kontinua implementa programa HANDS 2, hodi dezenvolve edukasaun pre-eskolar iha territoriu nasional hahu 2021 too 2026.

Minisru Edukasaun, Juventude, no Desportu (MEJD) Armindo Maia dehan, ema barak hanoin edukasaun pre-eskolar nee laimportante. Neebe importante liu maka Ensinu Baziku, Ensinu Sekundariu no universidade, maibe edukasaun pre-eskolar sai fundasaun ba edukasaun iha mundu.

“Ita nia kondisaun edukasaun pre-eskolar iha teritoriu nasional hamosu dezafiu boot ba labarik sira tenke lao ain kilometru lima (5), hodi hetan matenek, labarik sira hakarak ba eskola maibe kondisaun maka lapermite,” hatete MEJD Armindo Maia liu husi deskursu iha Salaun Enkontru MEJD Vila-Verde, Kinta (08/07/2021).

Governante nee afirma, lori Ministeriu Edukasaun nia naran agradese ba governu Nova Zelandia esforsu makas hodi bele konkretiza ona programa nee hamutuk ho MEJD asina akordu atu prepara labarik sira futuru.

Iha fatin hanesan Embaixador Nova Zelandia mai Timor Leste Philip Hewitt haktuir, programa HANDS hanesan investimentu boot Nova Zelandia iha TL, ida nee previlejiu boot ida atu hasae kapasidade labarik sira ba dezenvolvimentu nasaun nian.

“Ami sente previlejiu boot tanba bele kontinua programa HANDS 2 nee hodi hasae kapasidade no konesimentu ba labarik Timor oan sira iha edukasaun pre-eskolar. Hau hein ita bele servisu hamutuk hodi hadia kualidade edukasaun iha TL,” nia tenik.

Nia salienta, hakarak tau atensaun ba programa HANDS 2 nee maibe importante liu make ma hotu tenke identifika planu ho diak, atu bele implementa.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: