MEJD Planu Sei Harii Tan Eskola

DILI, STLNEWS.co – Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250 husi pre eskolar too sekundariu iha teritoriu laran.

Kestaun nee Armindo Maia hatoo wainhira hasoru malu ho Primeiru Ministru (PM) Taur Matan Ruak iha Farol, Sesta (25/06/2021).

“Iha 2021 governu liu husi MEJD planu ona sei harii tan eskola kuaze 250, no sala de aulas serka 800, iha mos sala ba profesores, kaza de banu, biblioteka, laboratoriu, iha territoriu laran tomak husi pre eskolar too sekundariu,” dehan nia.

Nia dehan, enkontru ho Xefe Governu nee husu para MEJD kordena ho Agência Desenvolvimento Nasional (ADN) ho Ministeriu Obras Publikas (MOP) atu aselera konstrusaun eskola.

“Hau hanoin ita sei esforsa para bele lao, se la konsege 100% pelu menus 70-80%, tanba dadaun nee ita iha hela kondisaun serka sanitaria, ita atu bok an sai ba liur mos araska, maibe ita tenta no esforsu nafatin,” dehan Armindo.

Aleinde nee, Orsamentu Jeral Estadu (OJE) ba tinan 2021 neebe aloka ba iha Ministeriu Edukasaun, Juventude, no Desportu hamutuk 30 milloens neebe fahe kapital dezenvolvimentu, transferensia publika, no fundu infraestrutura.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: