MEJD Realiza Lansamentu Eskola Ba Uma

DILI, STLNEWS.co – Ministeriu Edukasaun, Juventude, no Desportu (MEJD), realiza lansamentu eskola ba uma hanesan Ensinu Baziku, Ensinu Sekundariu Jeral no Ensinu Tekniku Vokasional.

Tuir Ministru Edukasaun, Juventude, no Desportu (MEJD) Armindo Maia hatete, iha tinan kotuk wainhira MEJD halo lansamentu eskola ba uma hanesan programa distansia ba dahuluk iha Timor Leste liu husi televizaun, radio no plataforma pasaporte aprendizajen liu husi internet.

“Ita hatene katak kazu Covid-19 aumenta ba beibeik, tanba nee iha posibilidade ita sei taka eskola nafatin iha fatin balu ho tempu naruk, atu garante prosesu ensinu aprendizajen kontinua nafatin ita tenke garante katak oportunidade aprendizajen distansia sei disponivel durante tempu defisil sira nee, ohin iha Parlamentu Nasional mos deputadu sira sei levanta ida nee husu ba MEJD no sira seluk atu bele garantia prosesu aprendizajen liu husi online,” dehan nia ba jornalista sira liu husi lansamentu eskola ba uma iha MEJD Vila-Verde, Dili, Kuarta (31/03/2021).

Nia relata tan, estudante sira inan aman no professor sira neebe mak uza plataforma hirak nee hatudu katak, halao aprendizajen distansia nee posivel tebes iha Timor Leste, maske iha dezafiu barak hanesan iha konetividade no esforsu, materia sira neebe maka lansa ona iha tinan kotuk materia sira nee ba Ensinu Baziku 1 no 2 siklu hamutuk epizadu 68.

MEJD hatoo prosesaun boot tebes ba parte hotu-hotu, liu liu ba media nasional sira hanesan televizaun ho radio no ba kompania telekomunikasaun tolu neebe mak iha Timor Leste, husu nafatin kolaborasaun atu apoiu kanaliza fahe no fo sai materia sira nee garante aprendizajen distansia nee disponivel ba estudante sira, no mos hatoo agradese ba ekipa programa media eskola ba uma nia neebe durante lidera husi MEJD.

Aleinde nee mos MEJD hetan apoiu husi parte parseiru UNICEF programa eskola ba uma, neebe MEJD agradese mos ba parseiru UNICEF neebe apoiu programa nee no ba tinan ida ona, agradese mos ba professor sira.*

Reportajen: Blandina Mauno/Jacinta Sequeira

Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...

Pozitivu Covid-19 Nain 161, Rekoperadu 126

DILI, STLNEWS.co - Ohin loron 15 fulan Maiu hodi Centro Integradu Gestão de Crises, Sala Situação (CIGC-SS), rejistu kazu Covid-19 pozitivu hamutuk nain 161,...

Tinan Barak Komunidade Maslidun La Asesu Bee Mos

DILI, STLNEWS.co - Durante tinan barak nia laran, komunidade iha Maslidun, Lagoa 2 la asesu bee mos, tanba nee obriga sira sosa deit bee...
%d bloggers like this: