MEJD Rekolla Dadus Eskola 7 Hetan Afetadu Grave

DILI, STLNEWS.co – Ministeriu Edukasaun, Juventude, no Desportu (MEJD), liu husi Diresaun Nasional Asaun Sosial Eskolar (DNASE), rekolla ona dadus ba eskola sira neebe hetan afetadu dezastre naturais grave hamutuk 7.

Diretor Nasional DNASE, Joaquim Martins hatete afetadu dezastre naturais neebe akontese iha dia 04 Abril katak, eskola 7 mak kondisaun aat los, depois aat naton iha eskola 11 no mos kondisaun diak maibe konsege bee tama hamutuk 8.

“Tanba nee eskola neebe tama kategoria afetadu tuir grau nee mak hanesan Ensinu Sekundariu Jeral 5 de Maiu Becora, nia sala 10 maka bee no tahu tama nakonu, tanba impaktu husi moru aat parte komunidade nian, eskola Ensinu Baziku Sergio Vieira de Melo Becora, pur volta sala 6 maka bee tahu tama no estraga mos kaza de bainhu no fatin programa marenda eskolar nian, Ensinu Sekundariu 4 Setembru UNAMET Balide, nee mak iha sala pur volta 15 nia kondisaun bee tama no moru parte kotuk afeta komunidade balun evakua hela iha laran,” dehan Diretor Nasional DNASE Joaquim Martins ba STL iha knaar fatin MEJD Villa Verde, Segunda (10/05/2021).

Nia hatutan, eskola 4 Setembru depois inundasaun iha xefe familia pur volta 57 ho total populasaun 320 maka okupa iha laran, neste momentu balun fila ona ba uma, neebe numeru tun ona, aleinde afeta komunidade neebe sira hela besik, sira uza fatin nee hanesan sentru evakua.

Nia relata, iha eskola EBC Manleuana mos afetadu, bee tama no moru mos nakfera pur volta 4 cm, tanba nee mak sala 10 kuaze bee tama hotu, EBF Fatuhada nee mos kondisaun eskola nia fondasi badak entaun kuandu inundasaun hanesan bee fasil atu tama sala laran kuaze hotu. EBF Casnafar nia kondisaun grave teb-tebes presiza makina para halo limpeza tanba inundasaun kuaze raihenek taka tomak eskola.

Aleinde nee, Ensinu Sekundariu Tekniku Vokasional (TEKVOK) Hera, afeta inundasaun sala diak hela, maibe haris fatin no eskritoriu profesores sira, kuaze bee tama nakonu no iha komunidade pur volta xefe familia 33 mak hela iha laran, ho total populasaun 178 neste momentu uza sentru evakua, maibe too agora numeru iha mudansa tanba balun fila ona uma.

Iha parte seluk Diretor ESTV Hera, Francisco Fernandes hatete, relasiona udan boot mosu inundasaun neebe akontese iha loron 03/04 Abril, liu-liu sasan eskola nian la aproveita, tanba bee mota sae tun makas husi mota iha eskola kotuk, entaun sobu tiha eskritoriu eskola no lori lakon dokumentus importante eskola nian.

Nia relata, fasilidade eskola neebe hetan estragus hanesan komputador haat (4), printer rua (2) no laptop ida mak estragu inklui surat tahan HVS no kaderneta estudante sira lakon hotu no balun dodok tanba bee no tahu nurak nakonu.

Reportajen: Blandina Mauno/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: