MESSK Asina MoU Ho Ensinu Superior Publiku & Privadu

DILI, STLNEWS.co – Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu sira, kona ba bolsa hakbiit.

Nia hatete, objetivu husi seremonia ohin nee konvida institutuisaun ensinu superior tantu publiku no privadu sira, atu bele memorandu intendimentu kona ba bolsa hakbiit tanba ho programa ida neebe mak foun.

“Tanba husi inisiativu governu da-8 konstituisional atravez liu husi MESSK, nunee ohin ita realiza, tanba ita nia preparasaun ekipa tekniku husi fundu dezenvolvimentu kapital humana, ita prepara dadaun kompletu hotu ona, husi munisipiu sira tanba nee reprezenta husi munisipiu sira mak mai, liu-liu kona ba bolsa hakbiit nian,” hatete MESSK Longuinhos ba jornalista sira, iha Infordepe, Segunda (17/05/2021).

Governante dehan, atu alokasaun ba estudante neebe mak ba ensinu superior privadu no publiku sira, presiza halo memorandu intendimentu ida, tanba nee mak ohin halo selebrasaun ba asina memorandu intendimentu ho ensinu superior tantu publiku no privadu sira.

Total orsamentu neebe mak preve ba bolsa hakbiit nian millaun US$ 1.5, ba ema sira neebe mak mai husi familia kbiit laek, neebe maka laiha kapasidade finansiamentu hodi enkoraja no motiva oan sira iha territoriu Timor laran.

Tanba nee ba programa foun ida nee, iha tinan 2021 nian primeiru start/hahu ho benefisiariu 910 ba estudante sira neebe mak atu distribui ba ensinu superior publiku no privadu sira, portantu ba UNTL tama ona, maibe agora dadaun rekruta tan 410 ba ensinu superior privadu sira.

Entretantu Reitor UNPAZ, Adolmando Sores Amaral hatete, reprezenta ensinu superior privadu sira kontente ho politika VIII governu liu husi MESSK, neebe fo espasu ba ensinu privadu sira para bele hetan konsellu neebe mak sai benefisiariu fundu dezenvolve kapital umanu.

Nia dehan, Reitor UNTL hatete, baibain bolsu hakbiit oferese ba instituisaun publiku, maibe primeira vez iha timor depende VIII governu liu-liu iha MESSK fo espasu ba ensinu superior privadu sira para bele hetan bolseiru, neebe bolseiru sira nee sei selu ho Orsamentu Jeral Estadu (OJE).*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: