MESSK Husu Ensinu Superior Submete Dadus Foun

DILI, STLNEWS.co – Ministeriu Ensinu Superior Siensia no Kultura (MESSK) liu husi Diresaun Gabinete Inspesaun husu ba universidade no institutu sanulu resin ualu (18) atu fo fali dadus foun, liu – liu ba estudantes neebe seidauk hetan direitu ba pulsa.

Tuir Inspektur Jeral MESSK Higino Alves,MPA hatete, ministeriu liu husi Diresaun Ensinu Superior halo ona koordenasaun ba magnifiku reitor sira iha instituisaun sanulu resin ualu (18) nee para orienta pontu vokal sira, liu husi vise reitor asuntu administrasaun finansas para submete fali dadus estudante sira, liu – liu estudantes neebe to’o agora seidauk hetan pulsa, hodi enkamina mai iha diresaun aprovizionamentu atu nunee bele distribui fali pulsa ba estudante sira.

“Bazea ba diploma ministerial, liu – liu koalia konaba insensaun propinas no internet ou pulsa, ho ida nee mak alerta ba ensinu superior sira, para hotu – hotu atu submete dokumentus mai iha MESSK liu husi diresaun jeral ensinu superior, ho ida nee mak instituisaun ensinu superior sira, publiku no privadu hamutuk sanulu resin ualu (18), sira submete dadus sira nee mai, dadus sira neebe mak mai, liu – liu ba dadus estudante sira, relasaun ho telefone, ho ida nee ami husi ministeriu simu bazea ba dadus sira nee hamutuk 64 mil, depois submete mai ami analiza liu husi prosesu aprovizionamentu,” dehan Higino ba STL iha nia knaar fatin MESSK Colmera, Dili, Kinta (09/09/2021).

Nia salienta, pulsa nee liu husi prosesu aprovizionamentu, tanba nee, ho kompania tolu, Timor Telecom, Telecomcel, no Telemor, ida nee detekta husi 64 mil, maibe 38 deit mak ativu, no 26 mil nee la ativu, nee katak, nemeru telefone nee balun lakon, dala ruma estudante sira troka numeru foun.

Iha fatin seluk Ana Maria Gloria hanesan estudante Universidade Nasional Timor Lorosae (UNTL), Fakuldade Edukasaun, Departamentu Biolojia dehan, los duni to’o agora nia rasik seidauk hetan pulsa husi governu atu fo ba estudante sira, liu – liu iha ambitu Covid-19 nia laran.

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: