MESSK-MNEK, Koopera Lori Estudante Fila

Ministru Ensinu Superior Siensia no Kultura (MESSK), Longuinhos dos Santos. (Photo: STL News/Joaninha Belo)

DILI, STLNEWS.co – Ministeriu Ensinu Superior Siensia no Kultura (MESSK) ho Ministeriu Negosiu Estranjeiru no Kooperasaun (MNEK), koopera servisu hodi lori estudante neebe hela iha rai liur, fila mai Timor Leste.

Ministru Ensinu Superior Siensia no Kultura (MESSK), Longuinhos dos Santos hatete, dadus kona ba estudante neebe hela iha rai liur atu fila mai Timor, MESSK fo ona ba Ministeriu Negosiu Estranjeiru no Kooperasaun MNEK, tanba MNEK mak jere.

“Estudante neebe fila mai Timor ida nee ita servisu hamutuk ho Ministeriu Negosiu Estranjeiru no Kooperasaun, ita haruka ona lista no dadus hotu ba MNEK, tanba prosesu ida nee sei jere husi MNEK,” dehan Longuinhos ba jornalista sira, hafoin remata asina momerandu entendimentu, iha Salaun Ian Martin-Infordepe Balide, Tersa (08/09/2020).

Governante nee esplika, antes COVID-19 akontese estudante sira nee iha ona rai liur hanesan Kuba, Portugal, Filipina no Indonezia.

“Hau seidauk serteza ba numeru estudante hira maka atu fila, maibe ba nasaun estudante sira neebe atu mai, hanesan ohin dehan ona,” nia esplika.*

Reportajen: Joaninha Belo/Blandina Mauno

Editora: Carme Ximenes

LEAVE A REPLY

Please enter your comment!
Please enter your name here