MOFFE Kapasita Estudante Moris Saudavel

Diretora MOFFE, Yasinta Lusina. (Photo: STL News/Emerenciana Pinto)

DILI, STLNEWS.co – Movimentu Feto Foinsae (MOFFE) kapasita estudante, oinsa hadook aan husi COVID-19, nunee bele moris saudavel.

Diretora MOFFE, Yasinta Lusina dehan, MOFFE nia atividade fokus ba iha grupu juventude ou foinsae sira, oinsa bele kria kondisaun neebe diak no hadook aan husi COVID-19.

“Atividades neebe halo ba ita nia oan sira oinsa sira kontinua asesu ba iha edukasaun ho seguru. Ita mos tulun sira liu liu familia hodi bele kria kondisaun iha sira nia hela fatin, atu nunee oan sira ho ambiente neebe diak bele aplika regra husi saude mundial, oinsa halo prevensaun ba COVID-19,” katak Yasinta ba STL, iha nia knar fatin Caicoli, Dili, Kinta (10/09/2020).

Yasinta dehan, durante atividade neebe MOFFE halo ho foinsae sira kontinua fahe informasaun, oinsa bele kuidadu aan husi COVID-19, presiza fase liman bebeik no uja maskara no seluk tan.

Nia hatutan formasaun neebe fahe husi MOFFE mak estudante sira kontinua fahe tutan ba juventude ou foinsae seluk, kona ba moras COVID19, nomos hakbiit foinsae sira ho abilidade nebee durante nee sira hetan ona.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here