Online Class Laefektivu

Reitor IFFS, Pe.Manuel Pinto. (Foto: STL/Joaninha Belo)

DILI, STLNEWS.co – Instituto Filosófico de São Francisco de Sales (IFFS), halao prosesu aprendizajen liu husi online class maibe laefektivu no efisien, tanba rede internet sabraut no dolar hanesan lenuk.

Reitor IFFS, Pe.Manuel Pinto hatete, konaba online-class IFFS iha ona esperensia iha fulan Marsu tinan uluk 2020.

“Online class nee la efektivu no la efisien no pior liu tan, tanba rede internet sabraut los, internet ninia speed dolar hanesan lenuk, estudente barak mak dehan ami la iha osan atu sosa pulsa,” dehan Pe.Manuel ba STL liu husi telefone, Sesta (19/03/2021).

Nia infroma IFFS nia studente nee uituan deit susar ona atu asesu ba online class, sa tan universidade sira neebe iha estudante rihun-ba-rihun.

IFFS nee instuto ida ho ninia karisma rasik, karisma salesiano de Don Bosco, Don Bosco dehan tenke sai sidadaun neebe diak no onesto mak kumpri buat hotu neebe governu fo sai, inkluindu konaba Covid-19, prevensaun sira.

“Kumpri serka sanitaria governu impoin ba ita hotu nia diak, nee duni IFFS tenke obedese no suspende aktividade eskola,” dehan Pe. Manuel.

Padre nee hatutan, dosente iha IFFS kontinua aulas atraves de fo diktat (hard copy), balun fo soft copy (USB) fo ba estudente sira estuda e depois ida-idak sei fo sira nia feedback ou reassaun eskrita ba dosente sira.

“Ami nia studente sira maioria hela iha Convento (SDB, SVD, Carmelita, Domenicano, FMA e leigos), nee duni fasil atu haruka materias ba sira atu estuda,” tenik Pe.Manuel.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here