Orsamentu Boot Aloka Ba MEJD, Maibe La Ezekuta

DILI, STLNEWS.co – Deputadu Bankada KHUNTO, Antonio Verdial dehan, orsamentu neebe Parlamentu Nasional (PN) aprova ba Ministeriu Edukasaun, Joventude, no Desportu (MEJD) boot tebes, maibe la ezekuta orsamentu nee hodi halo dezenvolvimentu.

Nia dehan, orsamentu neebe Parlamentu Nasional aprova mos ba Ministeriu Edukasaun, Juventude, no Desportu (MEJD), ho orsamentu ida boot tebes – tebes atu halo dezenvolvimentu fiziku hodi hadia eskola, halo sentina, halo tan sala de aula, nomos halo rehabilitasaun. Maibe maluk sira lakleur tan loron 15 fulan Outobru governu sei lori tan Orsamentu Jeral Estadu (OJE) foun mai.

“Hau hanesan deputadu preokupa ho orsamentu neebe mak aloka ba MEJD boot tebes, maibe ita aloka tiha orsamentu tuir programa neebe mak governu halo narealidade bainhira la ezekuta orsamentu nee hodi halo dezenvolvimentu fiziku,” lia hirak nee hato’o liu husi Plenaria iha PN, Tersa (31/08/2021).

Nia haktuir, bainhira governu sira lori tan OJE foun mai sira sei koalia. “Hau husu ba membru governu relevante favor boot ida atu ezekuta osan neebe mak parlamentu aprova tiha ona,” tenik nia.

Aleinde nee mos Deputada Bankada FRETILIN Gabriela Alves dehan, eskola rua iha tinan kotuk anin sobu to’o agora seidauk hadia. Uluk Visi Ministru Edukasaun to’o ona iha fatin akontesimentu, maibe eskola nee to’o agora seidauk hadia.

“Agora dadauk estudante sira eskola deit iha lona okos, sebele karik Ministeriu Edukasaun bele haree took situasaun sira nee,” dehan nia.*

Reportajen: Natalia Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...