Pedro Ximenes: Iha Pontus Haat Sai Prioridade Ba Mandatu Tinan 3

DILI, STLNEWS.co – Pedro Ximenes sai Reitor foun Institute Of Busineds (IOB), ba periodu dia 1 Junho 2021 too 31 Maiu 2024, hodi troka reitor sesante Augusto da Conceição Soares, nunee nia iha pontus haat sai prioridade ba mandatu tinan 3 nia laran.

“Hau nia planu ba tinan oin kontinua saida maka reitor anterior halo tiha ona, maibe nia foka prinsipal deit, tanba hare kondisaun agora asegura katak, ita nia estudante sira hotu-hotu bele asesu ba iha aprendizajen ho kualidade no kontestu agora nee aprendizajen online, segundu kuandu situasaun fila fali normalidade asegura mos katak, prosesu aprendizajen bele retoma fali estudante sira labele lakon oportunidade neebe atu tama aulas, terseiru atu mantein nafatin katak, instituisaun IOB bele forti buras ka kontribui diak liu tan ba nasaun iha futuru no kintu hau fokus ba peskiza IOB tenser hametin liu tan para sira neebe IOB halo tenser baze ba iha peskiza,” dehan Reitor foun IOB, ba jornalista sira, iha Kampus IOB Fomentu, Dili, Tersa (01/05/2021).

Entretantu, formasaun ba dosente aspetu importante tanba kualidade dosente defini IOB nia kualidade hotu, agora dadaun maioria dosente sira grau mestradu kontinua dudu sira para atu barak foti tan doutoramentu no sira neebe mak sei iha lisensiatura dudu sira para akaba hotu sira nia mestradu.

Agora dadaun mos mestradu IOB lao hela neebe dosente barak mos sei tuir no balun tuir formasaun iha liur, ho ida nee sei foka iha tinan 3 nia laran.

Total dosente iha IOB hamutuk 129 pesoas neebe mak hanorin no iha IOB ho grau neebe maioria husi balun doutoradu, mestradu, lisensiatura no barak mos dosente vizitante neebe mak hanesan Malaysia, Australia, Portugal no Indonezia neebe sira mos kontribui iha ensinu hotu.

Aleinde nee mos Ministru Ensinu Superior Siensia no Kultura (MESSK), Longuinhos dos Santos hatete, atividade ohin seremonia tomada de posse ba reitor foun IOB nian, maibe nee importante los tanba prezensa husi ensinu superior tantu publiku no privada sira, atu bele produs rekursu humanu neebe mak kualifikadu tanba rekursu humanu sai hanesan frakeza pais nee ninian.

Tanba nee rekursu humanu atu produs ho kualidade nee mai husi ensinu superior tantu publiku no privadu tanba nee mak preparasaun entre universidade hotu-hotu tantu publiku no privadu, nunee oinsa maka politiku governu nian para atu bele eleva kualidade tantu ensinu superior publiku no privadu sira.*

Reportajen: Blandina Mauno/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: