PGVDN Eleva Kualidade Akademika UNTL

Universidade Nasional Timor Lorosae (UNTL) realiza seminariu ho tema "Pos Graduasaun Visa Dignifikar Nasaun (PGVDN) 2020" hodi eleva kualidade akademika. (Foto: STL/Blandina Mauno)

DILI, STLNEWS.co – Universidade Nasional Timor Lorosae (UNTL) realiza seminariu ho tema “Pos Graduasaun Visa Dignifikar Nasaun (PGVDN) 2020” hodi eleva kualidade akademika.

Reitor Universidade Nasional Timor Lorosae (UNTL), Francisco Miguel Martins hatete, ohin halo seminariu komemorasaun vijesima aniversariu UNTL ba tinan 20, neebe komemora ho atividade oin-oin hanesan desportu, seminariu no festeza loron 17 nian.

“Nuudar seremonia komemorativa ba tinan 20 UNTL nian, neebe halao hela husi programasaun peskiza ho tema jeral “ Pos Graduasaun Visa Dignifikar Nasaun 2020” tanba lansamentu ida-ida para ita hodi dignifika ita nia nasaun,” hatete Reitor UNTL, Francisco ba jornalista sira, iha Fundasaun Oriente, Dili, Tersa (01/12/2020).

Nia hatutan, PGVDN para atu eleva kualidade akademika, matenek sidadaun nian, estudante sira labele lakon lisensiatura, maibe tenke eleva tan kualifikasaun ba grau asli para dignifika nasaun.

Tanba UNTL iha pais laran neebe hakiak ema diak ba futuru dezenvolvimentu nasaun ida nee, nunee mos tenke hakiak ema ho dignidade, akademika, eleva nia kualidade, aptidaun kompetensia iha area ida-idak ninian atu bele dignifika nasaun ida nee.

“UNTL lori estadu nia naran atu eleva kualidade no mos dignifika nasaun nian tanba nee mak ho hanoin hanesan nee para ita atu moris tuir dalan ida neebe lansamentu ideia ida deit,” dehan nia.

Entretantu Dosente UNTL Favia Martins hatete, pos graduasaun nia programa realiza para oradores sira neebe remata pos graduasaun mestradu iha Timor Leste nian.

“Mestradu sira mai fali atu aprezenta traballu nee sentifiku estadu nian, para asisti hodi fahe esprensia kona ba area matemetika, saude no agrikultura,” nia hatete.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here