Preparasaun Ba Graduasaun Kontinua Lao

DILI, STLNEWS.co – Maske iha faze serka sanitaria nia laran, maibe Institute Superior Cristal (ISC), nafatin halo preparasaun ba estudantes finalista hamutuk atus quinentus (500) resin, neebe sei partisipa iha graduasaun tinan nee.

Reitor Institute Superior Cristal (ISC), Sebastião Pereira afirma, dadaun nee parte husi ISC sei kontinua halo preparasaun ba estudantes finalista hirak neebe sei halao graduasaun iha tinan ida nee, maske dadaun nee iha faze serka sanitaria nian laran, maibe ISC kontinua halo nafatin preparasaun ba finalista sira.

“Ami nian estudantes finalista ISC tinan ida nee kuaze quinentus resin, neebe tinan nee sira atu halao graduasaun, tanba parte seluk iha defikuldade no tinan ida nee mak atu halo graduasaun, dadaun nee dosentes orientador sira liu husi plataforma digital neebe mak materia sira nee liu husi programa ida nee, hanesan proposta monografia haruka mai iha dosente sira, depois halo koreksaun fila-fali ba sira, agora dadaun orientasaun ba finalista sira kontinua lao nafatin tuir lei ensinu superior katak, bainhira iha graduasaun tenke iha despaisu ministerial, tanba planu iha tinan ida nee neebe trasa ona,” dehan Sebastião ba STL, iha nia knaar fatin ISC, Balide, Dili Kuarta (26/05/2021).

Nia dehan, tuir lolos tinan ida nee halo graduasaun dala rua, maibe ho situasaun estadu emerjensia neebe naruk teb-tebes, ho ida nee halo graduasaun dala ida deit ba iha tinan ida nee, ISC iha fakuldade 2, fakuldade siensia wdukasaun no saude, iha mos kursu mastradu, neebe hetan lisensiamentu despaisu Ministeriu Ensinu Superior, liu husi asesementu ekipa avaliador sira hanesan ANAAA.

Iha parte seluk, Reitor UNPAZ, Adolmando Soares Amaral, liu husi telefone dehan, UNPAZ iha fakuldade 6, programa de estudu lisensiatura 20, nomos mastradu iha 7, sira nee mak sei partisipa iha graduasaun ba tinan ida nee, tuir planu kalendariu akademiku nee sei halao iha loron 21 Dezembru tinan nee.

Nia hatutan, fakuldade 6 iha UNPAZ mak hanesan, fakuldade ekonomia, siensia sosiais humana, direitu, saude publika, enjenaria, nomos fakuldade teknolojia agrikula. Husi fakuldade 6 nee, total hamutuk 20 departamentu, nee iha nivel lisensiatura, iha nivel mastradu sira iha departamentu 7.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: