Profesores 31 Tuir Formasaun Desportu

Profesores Edukasaun Fisika no Desportu hamutuk 31 husi Ensinu Baziku 12 iha Munisipiu Dili, tuir formasaun kona ba edukasaun fizika no desportu escolar, neebe orgniza husi Sekretariu Estadu Juventude no Desportu. (Foto: STL/Maria Tavares)

DILI, STLNEWS.co – Profesores Edukasaun Fisika no Desportu hamutuk 31 husi Ensinu Baziku 12 iha Munisipiu Dili, tuir formasaun kona ba edukasaun fizika no desportu escolar, neebe orgniza husi Sekretariu Estadu Juventude no Desportu.

“Hamutuk ho Sekretariu Estadu Juventude Desportu halao abertura ba profesores edukasaun fizika no desportu eskolar, ita hatene katak edukasaun fizika no desportu eskolar nee mos importante, ba labarik sira ohin ita hahu ba ensinu baziku, depois tuir fali mai ensinu sekundariu” dehan MEJD, Armindo Maia ba jornalista sira, hafoin remata abertura ba formandu sira, iha Fundasaun Horizente, Dili, Segunda (30/11/2020).

Nia dehan durante nee konsentra liu ba , materia sira hanesan Ciensia Teknologia, la dun foo importansia ba edukasaun fisika no desportu.

Desportu eskolar nee importante tebes, maibe iha probelma uituan kona ba fasilidade la kompletu, eskola balu iha kampu balu la iha, buat sira nee nesesidade hotu, depois orsamentu mos limitadu.

“Husi Ministeriu tau nafatin orsamentu ba profesores sira, hau la hatene profesores ba desportu eskolar hira, maibe ita fazeadamente tenke hare ba kestaun nee, Sekretariu Estadu Juventude no Desportu mos iha hela planu kona ba ida nee, karik lao diak 2022 loke mos departementu ida kona ba edukasaun fizika no desportu eskolar iha UNTL,” nia salienta.*

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here