Professores 8 Tuir Formasaun Sai Formador

DILI, STLNEWS.co – Dadaun nee professores nain 8 husi Munisipiu Viqueque sei prepara aan, hodi tuir formasaun sai formador, formasaun refere sei halao iha fulan Agostu tinan nee.

Diretor Edukasaun Munisipiu Viqueque, Emidio Amaral dehan, lolos formasaun nee halao iha Dili, maibe tanba ho situasaun Covid-19, entaun muda ba Munisipiu ida-idak, formasun sei komesa iha loron 15 fulan Agostu too 16 Novembru tinan nee, agora fulan 3 ho balun, formasaun nee ba lingua no materia neebe bele implementa iha eskola sira.

“Formasaun Infordepe mak sei halo ba ita nian professores tuir teste liu atu prepara ba sai fali formador ba professores iha 2022, agora halo formasaun ba professores sira, hamutuk sira nain 8 mak ba fo formasaun iha postu sira. Fulan Agostu agora sira tuir formasaun hotu hodi prepara ba tinan 2022, profssores hotu ida-idak tuir formasaun iha postu deit ona, sira lalika mai Munisipiu hanesan uluk, sira nain 8 mos sei hamutuk ho professor neebe mai husi Portugal mak ho sira nain 8,” dehan Emidio ba STL liu husi telefone, Kinta (10/06/2021).

Diretor Emidio, dehan formasaun neebe mak atu halao ba professores nain 8 iha fulan Agostu nian laran, konaba lian portugues, no materia neebe mak kada loron professor sira sei fo ba estudante sira iha eskola, tanba nee formasaun nee materia iha laran hotu ona, no hein fulan Agostu tuir deit formasaun.

Nia akresenta, espera katak, ho formasaun neebe mak sei halao iha fulan Agostu ba professores nain 8 nee, bele lao ho diak, ho nunee sira nain 8 bele fo fali formasaun ba sira nian maluk professor sira seluk, neebe sei halao iha tinan oin 2022.

Iha parte seluk, Direitor Edukasaun Munisipiu Dili, Duarte Bragança dehan, durante nee professores sira nee sempre hola parte iha formasaun, neebe mak fo husi Infordepe, agora ho pandemia Covid-19 ida nee atividades hotu labele lao, tanba evita ema labele halibur malu.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: