Professores 97% Iha Viqueque Simu Ona Vasina

DILI, STLNEWS.co – Professores husi Minisipiu Viqueque 97% simu ona vasina no 3% seidauk tuir vasina ba prevensaun Covid-19.

Diretor Edukasaun Munisipiu Viqueque, Emidio Amaral hatete, total professores husi Munisipiu Viqueque hamutuk 1.202, husi numeru ida nee 97% mak simu ona vasina, no 3 % seidauk simu vasina, espera maluk professores sira sei hakat ba sentru saude sira, atu nunee sira bele simu vasina.

“Ami nian professores iha Munisipiu Viqueque 97% mak simu ona vasina dahuluk, no balun daruak ona, maibe 3% mak seidauk tuir vasina, tuir hau nia hanoin diak liu sira koopera ho Ministeriu Saude (MS) atu bele vasina, tanba sira nia razaun hau haree ladun forte, tanba hau husu ona ba sira atu hakbesik ba postu saude atu bele vasina, maibe horiseik balun vasina tan ona, iha Postu Uatucarbau mak barak, oinsa koopera ho saude, maibe balun atu ba vasina ona, ami sei hein orden husi Ministeriu Edukasaun, Juventude, no Desportu (MEJD) konaba professores seidauk vasina,” dehan Emidio ba STL, iha MEJD Vila-Verde, Dili, Kuarta (25/08/2021).

Diretor Emidio hatete, total estudantes iha Munisipiu Viqueque hamutuk mane 13.590, feto 13.236, total hamutuk 26.826, tanba nee professores iha Munisipiu Viqueque rasik maioria mak tuir vasina, no hirak neebe seidauk nee uituan deit ona, hein katak, ba oin maluk sira bele ba tuir vasina hanesan ho kolega sira seluk neebe mak vasina ona.

Iha fatin seluk, Diretor ESJ no 4 de Setembru Balide, Sergio A. da Cruz hatete, sira neebe la vasina eskola fo avizu bazeia ba orientasaun governu nian, tanba professor sira presiza vasina, atu nunee bele hasae sira nian imunidade.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: