Professores Kumpre Nafatin Dever

Foto: Espesial

DILI, STLNEWS.co – Durante seidauk aplika serka sanitaria iha Munisipiu Viqueque, professores hanesan edukador nafatin kumpre sira nian dever, halao aprendizajen ba estudante sira iha eskola.

Diretor Edukasaun Munisipiu Viqueque, Emidio Amarall iu husi telefone, Sesta (09/04/2021) dehan, dadaun nee ho serka sanitaria, ensinu aprendizajen labele lao, maibe antes seidauk implementa serka sanitaria nee kada loron professor sira nafatin kumpre ou halao sira nian dever hanesan edukador, tenke eduka nafatin estudante sira.

“Hau hanoin, hanesan ita hotu hatene katak, agora dadaun ita aplika hela serka sanitaria no atividades aprendizajen labele lao, nomos estudante sira hakmatek iha ida-idak nian uma, hodi bele kumpri regras iha SS. Tanba antes seidauk SS nee, professor sira hanorin lao hanesan baibain,” dehan nia.

Diretor Emidio akresenta, seidauk serka sanitaria nee professor hanesan funsionariu publiku, sira nafatin halao sira nia knaar lao hanesan bai-bain, maibe professor balun kestiona katak, bainhira mak ensinu aprendizajen iha eskola nee bele lao, ida nee mak professor sira nian preokupasaun.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here