Prontu Kontribui SS, Governu Tenke Fasilita

BAUCAU, STLNEWS.co –  Hanesan sidadaun no estudante, prontu atu kontribui ba iha regras Serka Sanitaria (SS) iha Munisipiu Baucau, maibe governu mos tenke fasilita pulsa ba estudante sira atu ativu iha aula online.

Lia hirak nee hato’o husi estudante, husi eskola kolegio Sagrado Corasão de Jesus (SACORJES) Baucau, Cejarinha Pinto ba STL iha Congregations Imitatios Jesus (CIJ), Sabado nee (28/08/2021).

Nia hateten, ligadu ho surtu Covid-19 neebe mak dadaun invade iha Timor Leste nomos iha Munisipiu Baucau, hodi governu aplika SS hapara prosesu aprendizajen, hanesan sidadaun no estudante nafatin kontribui ba regras nee, laos atu interrompe fali regras husi governu, maibe governu tenke iha meius hodi tau matan ba estudante neebe mak iha banku terseiru ano, hein deit atu tuir ezame nasional neebe mak besik ona.

“Moras nee mos importante hotu ba ita nia saude, labele hapara fali estadu nia programa, maibe estadu tenke fasilita ami hodi tuir prosesu aprendizajen husi online,” dehan estudante nee.

Nunee nia sujere ba estadu liu – liu Ministeriu Edukasaun, Juventude no Desportu (MEJD), atu fasilita estudante sira ho pulsa telefone, nunee bele partisipa iha aula online.

Iha fatin hanesan, estudante husi eskola kolegio Sagrado Corasão de Jesus (SACROJES) Baucau, Mischa Diamantina Gomes mos preokupa ho SS neebe mak aplika iha Munisipiu Baucau, tanba fo impaktu tebes ba maluk estudante sira, neebe mak iha ona banku terseiru ano, tanba la kleur tan atu tuir ezame nasional.

Nia hatutan, eskola husi aula online mos diak, maibe dala ruma fo impaktu ba sira neebe mak laiha telefone, no ba sira neebe mak inan aman laiha kbiit atu loron – loron sosa pulsa ba nia oan sira hodi asesu aula online nee.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: