Proposta 40 Tama Iha MEJD

DILI, STLNEWS.co – Proposta hamutuk 40 mak tama ona iha Diresaun Nasional Asaun Sosial Eskolar (DNASE), Ministeriu Edukasaun, Juventude, no Desportu (MEJD).

“Neste momentu ami seidauk simu proposta husi munisipiu, konaba dezastre naturais akontese iha munisipiu, liu-liu anin boot neebe durante nee, maibe ami hetan ona proposta iha tinan kotuk, nomos foin dadaun nee purvolta 40 proposta neebe mak tama iha diresaun, maibe ami apoiu ona 20 ital ba eskola, falta 20 eskola mak seidauk, maibe ami identifika hotu ona. Tanba nee bainhira konfinamentu remata iha Munisipiu Dili, ami sei distribui ekipamentus sira nee ba eskola sira neebe hatoo ona pedidu mai, neebe iha distribuisaun nee ami husu nafatin ba Diresaun Nasional Asaun Sosial Eskolar, ami apoia material emerjensia,” dehan Direitor Nasional DNASE, Joaquim Martins ba STL iha nia knar fatin MEJD Vila-Verde, Dili, Tersa (31/08/2021).

Nia dehan, sira iha kordenasaun diak teb-tebes husi konsellu pais, inan aman, professor sira para oinsa material sira nee too iha eskola karik kordena konstrui fila-fali, atu nunee prosesu aprendizajen lao hanesan bai-bain, materia sira nee ba munisipiu hotu, depois sei mai iha Munisipiu Baucau, Viqueque, nee bazea ba proposta neebe mak sira hatama mai iha diresaun, maibe proposta foun sira seidauk simu iha semana ida nee nia laran.

Iha fatin seluk, Direitor Edukasaun Munisipiu Viqueque, Emidio Amaral, hatete sira nian eskola la hetan estragus husi anin boot, tanba nee maske iha fatin seluk eskola sira hetan estragus husi anin boot, maibe husi Viqueque rasik laiha.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...