Prosesu Aprendizajen Online

DILI, STLNEWS.co – Relasiona ho governu estabelese Konfinamentu Obrigatoriu (KO) iha Munisipiu Dili aumenta tan ba semana ida, estudantes husi Institute Of Business (IOB), asesu deit prosesu aprendizajen liu husi online.

Tuir Visi Reitor asuntu akademiku IOB Antonio Soares Martins hatete, agora dadaun governu sei estende tan KO iha Munisipiu Dili durante semana ida, maibe estudantes husi IOB rasik asesu deit aula prezensial liu husi online, maibe iha online nee mos estudantes balun deit mak asesu ba programa nee, no balun labele asesu ba programa refere.

“Hau hanoin ami nian estudantes nafatin asesu ba aula liu husi online, agora ba sira neebe mak laiha telefone, depois mak halo rekoperasaun aula, karik iha ona aula prezensial, ami nian estudantes husi IOB 62% aula online siqnifika 38% mak la tuir, maibe ami nian estudantes 62% mak asesu ba programa ida nee, KO aumenta, entaun IOB nafatin halao prosesu aprendizajen online ba ami nian estudante sira, tanba ita iha Munisipiu Dili sei iha KO nian laran, entaun ita nian estudantes asesu deit online,” dehan Antonio ba STL, Kinta (02/09/2021).

Iha parte seluk, Reitor UNPAZ Adolmando Soares Amaral hatete, mezmu desizaun iha Konsellu Ministru (KM), Munisipiu Dili iha KO, maibe prespetiva husi UNPAZ nian atu hatete deit katak, governu tenke hatudu sira nian kapasidade no vontade servisu, atu nunee bele halo atendimentu ba povu.

Nunee mos Dekanu Fakuldade Siensia Sosiais UNTL Camilio Ximenes Almeida hatete, Iha estudantes balun hakarak aula online, maibe iha balun mos labele asesu ho razaun barak neebe mak sira hasoru defikuldade, professor sira sente hanoin ba labarik sira nee, tanba saida estudante sira uluk governu tula ba foho no agora dadaun sira fila ona foin mak aulas durante semana rua derrepente iha KO fali.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...