Reativa Aprendizajen, Hein Karta Sirkular Husi MEJD

BAUCAU, STLNEWS.co – Reuniaun Konsellu Ministru deside hakotu Serka Sanitaria (SS) iha Munisipiu Baucau, juridikamente fo ona dalan ba eskola sira iha munisipiu nee, atu reativa hikas prosesu aprendizajen, maibe Timor Leste nafatin iha situasaun pandemia Covid-19 nia laran, maibe sei hein karta sirkular formal husi Ministeriu Edukasaun, Juventude, no Desportu (MEJD).

Lia hirak nee hato’o husi Diretor Servisu Edukasaun Munisipiu Baucau, Augusto Ornai Ximenes ba STL iha nia knaar fatin, Kinta nee (23/09/2021).

“Informasaun sirkular reativa nee iha ona, maibe ita presiza sirkular formal ida atu formaliza, bainhira ita hahu karik ita lao tuir,” dehan diretor nee.

Nia hatutan, presiza karta sirkular formal ba reativa hikas prosesu aprendizajen iha Munisipiu Baucau, tenke liga ho prosedur pandemia Covid-19 nian iha Munisipiu Baucau.

Iha fatin ketak, responsavel Eskola Ensinu Sekundaria Dom Carlos Filipe Belo Quelicai Antigo, Carlos Ximenes Filipe husu MEJD aselera karta sirkular konaba prosesu aprendizajen nia iha Munisipiu Baucau, atu nunee bele fo ezame ba estudante sira, tanba dala barak fahe deit materia rezumu ba estudante sira, bele fo impaktu, tanba la rona esplikasaun materia husi manorin sira.

“Ami nia alunus hetan difikuldade, tanba inisiu husi tinan 2021 to’o agora, prosesu aprendizajen la lao nee fo difikuldade ba estudante sira, presiza haruka lalais karta sirkular nee,” tenik Carlos*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...