Reitor Husu Estudantes Kumpre Regras

DILI, STLNEWS.co – Reitor Universidade da Paz (UNPAZ), Adolmando Soares Amaral, husu ba estudante sira tenke kumpre regras ba prevensaun Covid-19 inklui variante Delta.

“Ami nia aula prezensial lao normal hanesan bai – bain, ami foin finaliza ezame, agora hein rezultadu ezame ikus nee sai ona, estudante sira mai foti kartaun planu estudu, neebe prosesu aprendizajen hahu ohin ba oin, estudante sira semester haat (4), neen (6), nomos ualu (8), estudantes ativu neebe mak halao hela prosesu aprendizajen iha UNPAZ lao normal, agora preparasaun hasoru moras Covid-19, nomos variante Delta nee mak kondisaun minimu, ami hahu instala bee iha sala aprendizajen nia oin, depois tau hand sanitaijer, sabaun no ami mos husu ba estudante sira neebe mak mai asesu ensinu aprendizajen, nee tenke uza nafatin maskara, no tenke mantein ba distansia sosial,” dehan Adolmando ba STL,  iha nia knaar fatin, Segunda (23/08/2021).

Nia dehan, kondisaun minimu sira nee mak universidade sei prepara, aleinde nee mos Ministru Ensinu Superiór, Siénsia no Kultura (MESSK) apoiu ona material lubuk ida, sanitaijer, sabaun sira neebe apoiu mai iha ensinu superior, liu-liu iha Universidade da Paz.

Sira neebe mai halao atividades universidade ninia nee, sira neebe mak tuir ona vasina ba segundu doze, tantu ba dosentes, funsionariu no estudantes sira, agora ba sira neebe seidauk mai, nee sira seidauk kompleta vasina, no barak liu provolta 35%, estudante sira sei iha hela munisipiu, tanba sira nee dala ruma seidauk vasina, depois dala ruma atu mai Dili seidauk hetan lisensa.

Nunee mos, Vise Reitor I, asuntu akademiku IOB, Antonio Soares Martins hatete, aprendizajen iha IOB lao normal, maibe sira husu nafatin ba estudante sira presiza kumpre regras, depois kada sala estudante sira labele barak liu, tanba agora sei iha faze situasaun Covid-19.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: