Rekruta Professores Nain 10

DILI, STLNEWS.co – Oras nee dadaun Eskola Sekundariu Nobel da Paz, rekruta ona professores hamutuk nain 10, neebe sei hanorin estudantes iha eskola refere.

Tuir Diretor Eskola Sekunariu Nobel da Paz, Pedro Nunes Menezes katak, reforma ba professor tinan nee laiha, maibe husi eskola Nobel da Paz, tinan nee halo rekrutamentu ba professores hamutuk nain 10.

“Tama iha idade reforma nee, lolos nee hau maibe idade reforma seidauk, hau halo rekrutamentu foun mak iha, hodi aumenta tan professor foun hamutuk nain 10, professores nain 10 neebe mak hau halo rekruta, nee sira ida-idak tuir sira nian departamentu, no sira tuir ida-idak nian disiplina, se karik sira universidade hili area kimika, antropolojia ou fisika, nee konserteza bele hanorin estudantes ba materia ida nee. Hau halo rekrutamentu ba professores foun husi UNTL no ICR nain 10,” dehan Pedro ba STL iha nia knaar fatin Kintal boot, Dili, Tersa (18/05/2021).

Nia dehan, maske kondisaun eskola nobel aat, no la hanesan ho kondisaun eskola neebe nabilan iha fatin seluk, maibe eskola refere nafatin produs ona estudantes neebe mak kada tinan ho kuantidade barak, no nafatin halo rekrutamentu ba professores hirak neebe atu hanorin estudantes iha eskola refere.

“Hau sente tinan 2023 mak ita boot sira bele mai haree fali hau nian kondisaun eskola, maske dadaun nee kondisaun eskola nee rasik ladun diak, tanba ita seidauk hadia, maibe iha futuru oin mai sei haree kondisaun eskola ida nee, para nunee ita bele prepara ita nian oan sira ho diak iha futuru oin mai,” dehan nia.

Nunee mos, Adjuntu EBC Nobel da Paz, Francisco Fernandes hatete, professor neebe mak dadaun nee hanorin iha EBC Nobel sei sufisiente hela, tanba kada professor sira durante nee hanorin estudante sira fahe ba iha turnu rua.

“Hau hanoin dadaun nee diretor eskola sekundariu mos rekruta ona professor sira, maibe ami durante nee fahe ba turnu rua,” dehan nia.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: