Sai Professor Tenke Domina Lian

Foto: Espesial

DILI, STLNEWS.co – Hakarak ka lakohi, bainhira atu sai professor tenke domina lian Portugues, para bele hanorin estudantes ho diak iha futuru.

“Hau hanoin sai professores merese atu tuir nafatin formasaun, atu nunee sira bele kapasita sira nian an rasik, tanba formasaun lian Portugues liu husi INFORDEPE fo ona formasaun ba ita nian professor sira, maibe sei menus nafatin, hau haree ita nian oan sira neebe mak akaba iha UNTL, nee sira nian Portugues diak,” dehan Diretor Edukasaun Munisipiu Viqueque, Emidio Amaral ba STL, liu husi telefone, Kinta (25/03/2021).

Nia dehan, total professores iha eskola munisipiu Viqueque, hamutuk 1.274, permanente 944, no kontratadu 330, professores neebe mak mate ona nee hamutuk 58, no tama iha idade reforma 34, ida nee mak professores husi munisipiu Viqueque ninia.

Iha parte seluk, Diretor ESJ no 4 de Setembru Balide, Sergio A. da Cruz, dehan, iha prosesu hanorin nian, professor sira uza lian Tetun, tanba bazeia ba konstituisaun RDTL artigu 13, tanba lian ofisial RDTL mak Tetun ho Portugues.

“Hau hanoin konaba mudansa professor sira nian ba lian Portugues durante nee, la aas liu, no la tun liu, maibe naton deit,” dehan nia.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here