SEFOPE – UNDP Apoiu Programa Estajiu Ba Joven

DILI, STLNEWS.co – Sekretariu Estadu Formasaun Porfisional Empregu (SEFOPE) ho United Nations Development Programme (UNDP) asina Memorandum of Understanding (MoU) kona ba estajiu nasional ba joven sira neebe gradua ona iha universidade, maibe seidauk iha esperensia servisu. Lia hirak nee hatoo husi SEFOPE, Alarico do Rosario ba jornalista sira, iha Salaun SEFOPE, Kuarta (12/05/2021).

“Seremonia ohin nee ligasaun ho programa UNDP neebe maka apoiu SEFOPE, liu husi estajiu nasional ba ita nia alin foin sae sira neebe maka graduasaun ona iha universidade, maibe seidauk iha esperensia, entaun sira bele aproveita tempu ida nee bele estajiu ba bele hetan servisu ba futuru,” dehan SEFOPE,” dehan Alarico.

Nia informa, SEFOPE iha iha programa ida estajiu nasional nee ba ema sira neebe maka iha universidade, nomos ema sira neebe maka tuir sentru formasaun sira kuandu hetan ona graduasaun husi sentru formasaun, entaun sira mai estajiu iha SEFOPE para atu hetan esperensia servisu.

Nia afirma, programa ida nee rasik ba dauluk benefisia ba ema nain 80, no programa nee rasik sei halao durante fulan tolu nia laran.

“Programa ida nee sei fo prioridade ba iha area kapasitasaun ba joven sira iha area oinsa halo negosiu kiik, industrias, no area sira seluk,” dehan Alarico.

Iha fatin hanesan, Reprezentante Residedensia (Resident Representative) UNDP Timor-Leste, Tuya Altangerel dehan, UNDP asina akordu ho SEFOPE hodi apoia fundu 6 mill, liu husi programa estajiu nasional, hodi kapasita joven neebe seidauk iha servisu hodi bele kria ba futuru, bele kria merkadu traballu ba sira nian an.

“Ita hotu hatene programa ida nee foin hahu maibe antes ida nee UNDP fo treinamentu barak iha area oin-oin ba joven sira, hamutuk kuaze 7 mill sira nee barak hetan ona susesu,” tenik nia.

Nia mos afirma,  komprometidu sei kontinua apiu SEFOPE iha futuru, liu husi programa estajiu nasional, hodi bele kapsita joven sira liu-liu joven neeb remata universidade, maibe seidauk hetan servisu. 

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: