SEJD Sei Realiza Jogu Eskolar Iha Munisipiu 7

DILI, STLNEWS.co – Tinan nee Sekretariu Estadu, Juventude, no Desportu (SEJD), sei realiza jogu eskolar ba munisipiu 7 iha Timor Leste.

Lia hirak nee hato’o husi Xefe Departamentu Desportu Komunitaria i Tradisional, Luis Lobo da Costa ba STL iha nia knaar fatin Edifisiu SEJD, Dili, Tersa nee (14/09/2021).

“Konaba jogu eskolar tinan nee sei halao ba munisipiu 7, i atividade nee sei fo ba Confederasaun Desportiva Timor-Leste (CDTL), nasional mak organiza jogu nee to’o munisipiu 7, atividade nee laos ita mak organiza direta,” tenik nia.

Nia dehan, ba munisipiu sira neebe mak besik liu fronteira hanesan, Bobonaro, Covalima, Oecusse seidauk bele realiza iha tinan nee, tanba situasaun pandemia, neebe sei realiza deit iha munisipiu 7 hanesan, Lospalos, Aileu, Ainaro, Same, Liquisa, Manatuto no Ermera.

Nia akresenta, data realizasaun jogus seidauk iha, maibe tuir lolos nee atu realiza iha fulan Setembru nee nia laran, maibe tanba seidauk hatene ba oin nee pandemia sei kontinua ga lae.

Ita mos haree, tanba atividade ida nee ita mak tau osan, maibe eskola mak halao, entaun servisu nee ita tenke hamutuk fali ho Ministeriu Edukasaun hodi haree mos sira nia kalendariu.

Antes Nee Prezidente CDTL Afranio Xavier hatete, Tempu badak Konfederasaun Desportu Timor Leste, sei halao formasaun ba professores sira iha munisipiu 7 hodi prepara ba kompetisaun desportu eskolar.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: