Serka Sanitaria; DIT Aprendizajen Online

Reitor DIT, Alvaro Menezes Amaral. (Foto: STL/Joaninha Belo)

DILI, STLNEWS.co – Relasiona rezolusaun governu hodi implementa serka sanitaria iha Munisipu Dili, Dili Institute Of Technology (DIT), lahusik tempu liu leet deit, maibe kontinua prosesu aprendizajen liu husi midia online (Zoom), atu nunee labele lakon materia.

Tuir Reitor DIT, Alvaro Menezes Amaral katak, durante serka sanitaria estudante sira prosesu aprendizajen liu husi online (Zoom), maski estudante balun neebe laiha laptop no telefone android, maibe dosente sei oportunidade ba sira, wainhira eskola tama hikas.

“Ita haree katak serka sanitaria lahasoru malu ho dosente sira, maibe oinsa ita atu fasilita estudante sira iha uma entaun prosesu aprendizajen lao nafatin maneira liu husi online (Zoom),” dehan Alvaro ba STL, liu husi telefone, Sesta (12/03/2021).

Nia dehan, prosesu aprendizajen liu husi online (Zoom), tenke iha telefone neebe diak no laptop atu nunee prosesu bele lao diak. Estudante barak maka hasoru prolema laiha telefone no laptop, balun neebe laiha kapasidade hola pulsa uza oinsa afeita ba problema sira nee DIT iha maneira husu ba dosente sira, aban rua prosesu aprendizajen tama hikas situasaun normal dosente sira tenke obrigatoriu hanorin fali materia neebe lakonse tuir prosesu aprendizajen online (Zoom), atu nunee labele lakon oporuinidade ida nee.

Nia haktuir, aprendizajen liu husi online preokupasaun neebe estudante infrenta maka pulsa, tanba serka sanitaria aumenta kustu ba inan aman sira tanba aprendizajen online (Zoom), hasai osan ba oan sira atu hola pulsa. Estudante 70% neebe ativu iha aula prosesu aprendizajen liu husi online (Zoom).

Estudante 70% neebe ativu iha prosesu aprendizajen liu husi midia online (Zoom), durante prosesu aprendizajen iha aula durante oras rua, tuir orariu neebe iha.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here