Sint Marie Transforma Difisiente Asesu Edukasaun

Foto: Media Sint Marie

BAUCAU, STLNEWS.co – Eskola Sint Marie Buruma, hanorin ou transforma labarik difisiente sira asesu ba iha area edukasaun.

Lia hirak nee hatoo husi Diretora Eskola Sint Marie Buruma, Madre Estefania ba STL, iha nia knaar fatin Buruma Dokobere, Kinta (11/02/2021).

“Ami nia eskola nee refere liu ba labarik sira difisiente sira, iha tilun no lahatene koalia, klarumente ami hanorin labarik sira ho oral, laos ho jestu maibe ho deit oral atu abitua sira no ami loke koljio nee, hahu husi tinan 2013 too agora sira neebe mak hatene ona koalia no liu ona buat sira uluk iha sira nia pasadu nee, hamutuk haat nulu resin (40),” dehan Diretora Eskola Madre Estefania.

Madre Estefania hatete, sira uza metode privadu hodi hanorin labarik difisiente sira, ho naran metode MMR maternal reflektif linguagen inan nian.

Metode hira neebe agora sira implementa iha eskola Sint Marie Buruma, tanba iha Indonezia sira mos iha eskola kona ba ema difisiente tilun no lahatene koalia.

Tanba tuir nia katak, iha Indonezia, eskola ba difisiente halo ona tinan ualu nulu resin haat (84), momentu neeba madre sira hanorin iha eskoola refere, husi nasaun Belanda.

“Metodu neebe agora ami uza hanorin ba labarik difisiente sira iha nee, ami aprende iha indonezia husi madre sira husi Belanda neebe mak hanorin iha eskola ba labarik sira neebe lahatene koalia nee,” katak nia.

Madre nee esplika, iha klase ida neebe nia hanorin mak labarik difisiente sira ho idade tinan neen (6) no tinan hitu (7), maibe labarik sira nee hotu-hotu seidauk hatene koalia. Iha parte balun neebe professora eulalia hanorin, nee mak kolia hatene ona oituan oituan, maibe sei iha nain haat mak seidauk hatene koalia.

Nia dehan, labarik difisiente sira neebe mak hatene ona koalia, sei transfere ba eskola publiku iha Buruma, hodi kontinua sira nia estudo iha eskola publiku. Sira simu labarik difisiente sira husi kualker fatin, neebe mak hakarak lori oan difisiente ba iha eskola Sint Marie Buruma, madre sira prontu atu simu.

Konaba osan seluk kolejiu nian, kada fulan selu $35 no laos deit $35, maibe depende fali ba inan aman nia forsa neebe mak iha. Konaba rai refere, neebe mak agora dadaun madre sira harii colegio ba, sosa ho osan montante sentu oitenta mil ($ 180.000).

“Ami mai iha tinan 2013 fulan Outubro no momentu neeba ami aluga deit pai administrador postu baucau vila nia uma, no too 2016 mak ami sosa rai no halo colegio ba difisiente sira too agora,” Madre Estefania salienta.*

Reportajen: ESTTO
Editora: Carme Ximenes

LEAVE A REPLY

Please enter your comment!
Please enter your name here