SJK Ho SEJD Fo Formasaun Ba Juventude

DILI, STLNEWS.co – Sentru Juventude Comoro hetan apoiu husi Sekretariu Estadu, Juventude, no Desportu (SEJD), fo formasaun ba juventude sira iha Aldeia Fatumeta, Suku Bairru Pite, Postu Administrativu Dom Aleixo, Munisipiu Dili.

Formasaun nee koalia konaba Life Skill Based Education (LSBE) ou edukasaun moris nian. Formasaun nee maioria husi joven foin sae hamutuk nain 23 kompostu husi feto no mane.

Tuir Formador husi SJK Julio de Deus hatete, formasaun nee apoiu husi SEJD no halao iha fatin barak ona, ho objetivu atu forma joven sira sai ema neebe diak iha futuru.

“Ami fo formasaun ba joven sira, tanba ita haree joven sira mak hanesan autor ba problema sira, nunee husi formasaun nee atu fo informasaun neebe klean ba sira no foti desizaun ida neebe diak ba futuru,” dehan formador nee ba STL iha Merkadu Fatumeta, Dili, Sesta nee (15/10/2021).

Nia hatutan, formandu sira nee sei hetan sertifikadu bainhira remata iha formasaun ida nee, husi sertifikadu nee atu hatudu katak sira tuir duni iha formasaun nee.

Iha fatin hanesan, formandu Manuel de Jesus Carvalho hatete, nuudar formandu sente orgullu, tanba bele hetan esperensia ruma durante partisipa iha formasaun nee.

“Sente orgullu tanba bele tuir formasaun ida nee, neebe koalia konaba moris iha abilidade ba edukasaun nian,” dehan nia.

Nia haktuir, formasaun nee ajuda tebes sira oinsa atu hatene lalaok nebe hasoru durante nee, no mellora diak liu tan joven sira atu bele komprende oinsa moris tuir sosiedade nian.*

Reportajen: EST/01

Editor: Domingas Gomes 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...