SMEJD Baucau Nafatin Komunika Ba MEJD

BAUCAU, STLNEWS.co – Diretor Servisu Ministeru Edukasaun, Juventude, no Desportu (SMEJD) Munisipiu Baucau, nafatin halo komunikasaun ho Ministeriu Edukasaun, Juventude, no Desportu (MEJD), konaba despaixu ministerial Nu. 44 suspende prosesu aprendizajen provizoriu iha Munisipiu Baucau.

Lia hirak nee hato’o husi Diretor Servisu MEJD Munisipiu Baucau Augusto Ornai Ximenes ba jornalista iha nia knaar fatin, Sesta nee (10/09/2021).

Nia hateten, despaixu ministerial Nu. 44 konaba suspensaun prosesu aprendizajen provizoriu iha Munisipiu Baucau, neebe hahu husi loron 26 fulan Agostu to’o loron 10 fulan Setembru. Tanba nee, hahu iha loron 09 fulan Setembru tinan nee, Servisu Ministeriu Edukasaun, Juventude, no Desportu Munisipiu Baucau, kontinua halo komunikasaun ho Minisiteriu Edukasaun, Juventude no desportu, atu foti desizaun foun hodi reativa hikas prosesu aprendizajen.

“To’o agora mos hau sei hein hela orintasaun nee, no ohin dader mos hau komunikasaun ba ministru no nia gabinete atu hatun orintasaun foun,” dehan Augusto.

Nia hatutan, kontinua halo konfirmasaun ho MEJD, tanba Konsellu Minisitru (KM) hetan ona rekomendasaun husi parte saude sira konaba mudansa surtu Covid-19 iha Munisipiu Baucau.

Nunee diretor nee nafatin halo rekomendasaun ba MEJD no Ministeiru Saude (MS) nia haree konaba numeru pozitivu Covid-19 iha Munisipiu Baucau, karik iha area sira neebe mak la afeita ba Covid-19 bele karik husik prosesu aprendizajen lao hanesan baibain.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...