SMEJD Enkontru Ho Profesores Halo Resumu

BAUCAU, STLNEWS.co – Servisu Ministeriu Edukasaun, Juventude, no Desportu (SMEJD) Munisipiu Baucau hahu enkontru ho diretores eskolar sira iha Munisipiu Baucau atu halo resumu ba estudante sira dutante serka sanitaria.

Informasaun nee hatoo husi Diretor Servisu Ministeriu Edukasaun, Juventude, no Desportu Munisipiu Baucau, Felix Ximenes ba jornalista sira wainhira remata enkontru ho diretores eskolar sira.

Ba jornalista nia hateten, objetivu enkontru nee atu halo resumu ba estudante sira tamba iha estudante balun la asesu ba programa eskola husi radio, televisaun, no online.

“Ohin nee halo enkontru ho diretores ensinu baziku centrais sira koalia konaba oinsa mak sumariu sira neebe profesores sira prepara nee bele mai konsentra iha gabineti da diretiva ensinu baziku central, depois halo multiplikasaun no organiza resumu sira nee, no pontus exercicio sira nee bele monu iha estudante sira nia liman kuaze diretores hotu hotu relata mai katak eskola hotu hotu Pontus disumariu nee preparados pontus de exercicio no pontus de exame primeiro periodu ona,” dehan nia.

Nia hatutan, diretores balun hatoo prekupasaun estudante sira nian neebe hela iha foho nunee servisu edukasaun municipal buka mekanismu oinsa mak resumu hirak nee bele too iha estudante sira, nunee servisu edukasaun municipal sei buka mekanismu ho autoridade lokal sira halo avizu ba estudante sira hodi nunee estudante sira bele simu simariu iha eskola.

Ba estudante neebe mak lakonsege simu materia resumu sira iha eskola servisu edukasaun municipal sei buka hatene sira nia difikuldade ou dezafios.

Iha fatin hanesan partisipante Diretor Eskola Bazika Tirilolo, Vicente Marsal da Silva hateten, inkontru nee hamutuk ho lideransa edukasaun no diretores eskola husi eskola bazika, eskola pre eskolar, primeiru siklu, segundo siklu, no terseiru siklu foti dezisaun hamutuk oinsa mak bele halo netik buat ruma ba estudante sira tamba durante pandemia Covid-19 laiha aprendizajen.

“Labarik sira neebe iha situasaun pandemia Covid-19 besik exame depois ho lockdown, labarik sira la exame neebe ohin ami koalia alternativa lubuk ida oinsa halo netik esforsu aan hanesan rezumu materia ba labarik sira kelas satu, kleas dua, kelas tiga SMP atu bele duplikat ka fotocopy fahe ba inan aman sira, fahe ba oan sira para inan aman iha uma akompania labarik sira nia estudu,” Vicente dehan.

Nia hatutan, ba segundu periodu diretores eskola sira sei esforsu aan enkontru ho konsellu prefesores sira atu nunee halo rezumu ba estudante sira.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: