Subsidiu Internet Seidauk Aloka Ba Ensinu Superior

DILI, STLNEWS.co – Subsidiu internet gratuita ba estudante sira iha ambitu pandemia Covid-19, too agora seidauk aloka ba ensinu superior privadu sira.

Kestaun nee hatoo husi Reitor Universidade da Paz (UNPAZ), Adolmando Soares Amaral. Nia hatete, konaba asuntu ida nee, too agora parte husi Universidade da Paz nian seidauk iha informasaun ruma husi ministeriu, liu-liu konaba subsidiu internet gratuita ba estudante sira iha situasaun pandemia Covid-19 neebe mak dadaun nee eziste iha TL.

“Subsidiu ba internet gratuita nee, orsamentu seidauk aloka ba ensinu superior privadu sira, tanba ami iha UNPAZ rasik seidauk iha informasaun konaba alokasaun orsamentu ba internet gratuita ninia, maibe ministru kria enkontru ida ho konsellu reitor sira, molok haruka proposta orsamentu ratifikativu ba iha parlamentu, maibe iha orsamentu ratifikativu MESSK ninia, nee mak ministru tau iha neeba nee konaba subsidiu gratuita ba internet, nee iha momentu nee ba fo subsidiu propinas, maibe depois de orsamentu nee diskusaun iha parlamentu hetan ona aprovasaun haruka ba iha PR, no hetan ona promulgasaun,” dehan Adolmando ba STL liu husi telefone, Tersa (04/05/2021) nee.

Reitor UNPAZ nee akresenta, too agora parte husi MESSK seidauk informa ba universidade sira konaba prosesu transferensia sira, tanba nee too agora husi universidade seidauk hetan informasaun formal ruma husi MESSK, ho ida nee seidauk iha informasaun informal ba asuntu ida nee.

“Too agora ami seidauk hetan informasaun formal ruma konaba asuntu ida nee, ho ida nee ami husi UNPAZ ami seidauk iha informasaun formal ruma konaba asuntu subsidiu ba internet gratuita sira nee,” nia dehan.

Entretantu, João da Costa hanesan estudante UNTL, Fakuldade Edukasaun, Departamentu Biolojia semester lima hatete, susar tebes ba nia atu bele asesu eskola online, tanba inan aman iha munisipiu, no iha Dili hela ho tia sira, tanba nee susar ba sira atu asesu eskola online, neebe mak atu asesu tenke sosa pulsa.

“Hau iha Dili hela ho pai nian subrinha sira, hau nian inan aman hela iha munisipiu Bobonaro, se ita atu asesu ba eskola online, osan laiha atu sosa pulsa, oinsa mak ita atu bele asesu programa ida nee ho diak,” tenik nia.

Ba asuntu nee, iha parte seluk bainhira STL tenta atu halo intrevista ho Ministru Ensinu Superior Siensia no Kultura (MESSK), Longuinhos dos Santos, maibe la konsege tanba halao enkontru ho direjente Ministeriu nian.*

Reportajen: Jacinta Sequeira/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: